ഇന്ത്യ ബാറ്റ് ചെയ്യും; ഇന്ന് തീ പാറും

ഇന്ന് നടക്കുന്ന ലോകകപ്പ് ക്രിക്കറ്റിലെ ക്ലാസിക് പോരാട്ടത്തിൽ ലോക ചാമ്പ്യന്മാരായ ഓസ്ട്രേലിയക്കെതിരെ ഇന്ത്യക്ക് ബാറ്റിംഗ്. ടോസ് നേടിയ ഇന്ത്യൻ നായകൻ വിരാട് കോഹ്‌ലി ബാറ്റിംഗ് തിരഞ്ഞെടുക്കുകയായിരുന്നു.

ഇരു ടീമുകളും മാറ്റങ്ങളില്ലാതെയാണ് ഇറങ്ങുന്നത്. ഓവലിൽ ബാറ്റിംഗ് പിച്ചാണെന്നാണ് സൂചന. എങ്കിലും ആദ്യ ഓവറുകളിൽ പേസർമാർ നേട്ടമുണ്ടാക്കും. ആദ്യ പവർ പ്ലേ ഓവറുകൾ അതിജീവിക്കുന്നതിനനുസരിച്ചാവും കളിയുടെ ഫലം.

ലോകകപ്പിൽ ഇതുവരെ 11 തവണ ഇരു ടീമുകളും ഏറ്റുമുട്ടിയപ്പോൾ എട്ടു തവണ ഓസീസും 3 തവണ ഇന്ത്യയും ജയം കുറിച്ചു.