മലപ്പുറത്ത് കെഎസ്ആർടിസി ബസ് കടയിലേക്ക് പാഞ്ഞുകയറി; 15 പേർക്ക് പരിക്ക്

മലപ്പുറം ബസ് സ്റ്റാൻഡിന് സമീപം നിയന്ത്രണം വിട്ട കെഎസ്ആർടിസി ബസ് കടയിലേക്ക് പാഞ്ഞുകയറി പതിനഞ്ച് പേർക്ക് പരിക്ക്. മഞ്ചേരിയിൽ നിന്നും തിരൂരിലേക്ക് പോകുകയായിരുന്ന കെഎസ്ആർടിസി ഓർഡിനറി ബസ്സാണ് കടയിലേക്ക് പാഞ്ഞു കയറിയത്.

നിയന്ത്രണം വിട്ട കെഎസ്ആർടിസി ബസ് മറ്റൊരു ബസിന് പിറകിൽ ഇടിച്ച ശേഷമാണ് സമീപത്തെ വ്യാപാര സ്ഥാപനത്തിലേക്ക് ഇടിച്ചു കയറിയത്. ബസ്സിലെ യാത്രക്കാരായ പതിനഞ്ച് പേർക്കാണ് അപകടത്തിൽ പരിക്കേറ്റത്.