പശുമോഷണം ആരോപിച്ച് വീണ്ടും ആൾക്കൂട്ട ആക്രമണം; രണ്ട് പേർ കൊല്ലപ്പെട്ടു

ബിഹാറിൽ പശുവിനെ മോഷ്ടിച്ചെന്നാരോപിച്ച് വീണ്ടും ആൾക്കൂട്ട ആക്രമണം. രണ്ട് പേർ കൊല്ലപ്പെട്ടു. സരൻ ജില്ലയിലെ ബനിയാപൂരിൽ ഇന്ന് രാവിലെയാണ് സംഭവം.

പശുവുമായി വരികയായിരുന്ന മൂന്നു പേരെ പ്രദേശവാസികൾ തടയുകയും ആക്രമിക്കുകയുമായിരുന്നുവെന്നു പൊലീസ് പറഞ്ഞു. കൂട്ടത്തിൽ ഉണ്ടായിരുന്ന ഒരാൾ രക്ഷപെട്ടു. മൃതദേഹങ്ങൾ പോസ്റ്റുമോർട്ടത്തിനയച്ചു. സംഭവത്തിൽ അന്വേഷണം തുടങ്ങിയതായും പൊലീസ് അറിയിച്ചു.