വയനാട് കൽപ്പറ്റയിൽ കെഎസ്ആർടിസി ബസ് മറിഞ്ഞ് നിരവധി പേർക്ക് പരിക്ക്

വയനാട് കൽപ്പറ്റയ്ക്ക് സമീപം വെളളാരംകുന്നിൽ കെഎസ്ആർടിസി ബസ് റോഡരികിലെ കുഴിയിലേക്ക് മറിഞ്ഞ് നിരവധി പേർക്ക് പരിക്കേറ്റു. വെളളാരംകുന്ന് കിൻഫ്രക്ക് സമീപത്ത് വെച്ചാണ് അപകടമുണ്ടായത്. താഴ്ചയിലേക്ക് മറിഞ്ഞ ബസ് മരത്തിൽ തങ്ങി നിന്നതിനാൽ വലിയ ദുരന്തം ഒഴിവായി. അപകടത്തിൽ ബസ് ഡ്രൈവർക്കും പരിക്കേറ്റിട്ടുണ്ട്. പരിക്കേറ്റവരെ കൽപ്പറ്റയിലെ ലിയോ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.