അട്ടപ്പാടിയിൽ ഉരുൾപൊട്ടൽ; പന്ത്രണ്ടോളം കുടുംബങ്ങൾ കുടുങ്ങി കിടക്കുന്നു

അട്ടപ്പാടി കുറവൻപാടിയിൽ ഉരുൾപൊട്ടൽ. പന്ത്രണ്ടോളം കുടുംബങ്ങൾ കുടുങ്ങി കിടക്കുന്നു. കുറവൻപാടി ഉണ്ണിമലയിലെ കുടുംബങ്ങളാണ് കുടുങ്ങി കിടക്കുന്നത്. റോഡ് തകർന്നതിനാൽ ആളുകളെ സുരക്ഷിത സ്ഥാനത്തേക്ക് മാറ്റാനാവുന്നില്ല. പ്രദേശം ഒറ്റപ്പെട്ട അവസ്ഥയിലാണ്.

മണ്ണാർകാട് വഴിയുള്ള ചുരം പൂർണമായും വെള്ളത്തിനടിയിലാണ്. മരം വീണതിനെ തുടർന്ന് റോഡ് ഗതാഗതം തടസപെട്ടിരിക്കുകയാണ്. കേന്ദ്രസേനയ്ക്കുൾപ്പെടെ കുറവൻപാടിയിലേക്ക് എത്തിപ്പെടാൻ കഴിയാത്ത സാഹചര്യമാണുള്ളത്. ആളുകൾ സുരക്ഷിതരാണെന്നാണ് സൂചന. ചിലർക്ക് പരിക്കേറ്റതായും വിവരമുണ്ട്. നാട്ടുകാർ വിളിച്ചറിയിച്ചതിനെ തുടർന്നാണ് സംഭവം പുറംലോകമറിയുന്നത്.