മഴക്കെടുതി; രാജ്ഭവനിൽ നടത്താനിരുന്ന സൽക്കാരം റദ്ദാക്കി; സഹായം അഭ്യർത്ഥിച്ച് ഗവർണർ

കനത്ത മഴയും പ്രളയവും മൂലം സംസ്ഥാനത്ത് നിലനിൽക്കുന്ന സ്ഥിതി പരിഗണിച്ച് രാജ്‌സഭവിൽ നടത്താനിരുന്ന സൽക്കാരം റദ്ദാക്കി ഗവർണർ.
സ്വാതന്ത്ര്യദിനം പ്രമാണിച്ച് ആഗസ്റ്റ് 15 ന് വൈകിട്ട് 6.30 ന് കേരള രാജ് ഭവനിൽ നടത്താനിരുന്ന സൽക്കാരമാണ് (അറ്റ് ഹോം) ഗവർണർ ജസ്റ്റിസ് പി സദാശിവം റദ്ദാക്കിയത്.

പ്രളയബാധിതപ്രദേശങ്ങളിൽ രക്ഷാപ്രവർത്തനവുമായി ബന്ധപ്പെട്ട് സർക്കാരും ദുരന്തനിവാരണ ഏജൻസികളും നൽകുന്ന നിർദേശങ്ങൾ പൂർണമായി പാലിച്ചുകൊണ്ട് സഹകരിക്കാൻ അദ്ദേഹം ജനങ്ങളോട് അഭ്യർത്ഥിച്ചു.