തിരുവനന്തപുരത്ത് മത്സ്യബന്ധന ബോട്ട് അപകടത്തിൽപെട്ട് രണ്ട് മരണം

തിരുവനന്തപുരം അഞ്ചുതെങ്ങ് മുതലപ്പൊഴിയിൽ മത്സ്യബന്ധന ബോട്ട് അപകടത്തിൽപെട്ട് രണ്ട് മരണം. ലാസർ തോമസ്, റോക്കി ബഞ്ചിനോസ് എന്നിവരാണ് മരിച്ചത്.

അഞ്ച് പേരടങ്ങുന്ന സംഘം ഇന്ന് രാവിലെയാണ് മത്സ്യബന്ധനത്തിന് പുറപ്പെട്ടത്. പ്രതികൂല കാലവസ്ഥയിൽ അപകടത്തിൽ പെടുകയായിരുന്നു. ശക്തമായ തിരമാലയിൽപെട്ട് ബോട്ട് പുലിമുട്ടിൽ ഇടിച്ച് കയറിയാണ് അപകടമുണ്ടായത്. മൂന്ന് പേർ അപകടത്തിൽ നിന്നും രക്ഷപ്പെട്ടു. മരിച്ചവരുടെ മൃതദേഹങ്ങൾ ചിറയിൻകീഴ് താലൂക്ക് ആശുപത്രിയിൽ സൂക്ഷച്ചിരിക്കുകയാണ്.