പാർട്ടിയിൽ കൃത്രിമമായി ഭൂരിപക്ഷമുണ്ടാക്കാനാണ് പിജെ ജോസഫിന്റെ നീക്കമെന്ന് ജോസ് കെ മാണി

പാർട്ടിയിൽ കൃത്രിമമായി ഭൂരിപക്ഷമുണ്ടാക്കാനാണ് പി ജെ ജോസഫിന്റെ നീക്കമെന്ന് ജോസ് കെ മാണി. സ്റ്റിയറിംഗ് കമ്മിറ്റി അംഗങ്ങളെ പുറത്താക്കിയ നടപടി ഭരണഘടനാ വിരുദ്ധമാണെന്നും ജോസ് കെ മാണി പറഞ്ഞു. അതേ സമയം പാർട്ടി വിരുദ്ധ പ്രവർത്തനം നടത്തിയെന്നാരോപിച്ച് പി.ജെ ജോസഫിനും, ജോയ് എബ്രഹാമിനും നോട്ടീസ് നൽകാൻ ഇന്ന് കോട്ടയത്ത് ചേർന്ന കേരള കോൺഗ്രസ്  (എം) ജോസ് കെ മാണി വിഭാഗം സംസ്ഥാന കമ്മിറ്റി യോഗം തീരുമാനിച്ചു.  നാളെ പി.ജെ ജോസഫ് വിഭാഗം നടത്താനിരുന്ന ഉന്നതാധികാര സമിതി യോഗത്തിന് ജോസ് കെ മാണി പക്ഷത്തിന്റെ ഹർജി പരിഗണിച്ച് കോട്ടയം മുൻസിഫ് കോടതി വിലക്കേർപ്പെടുത്തിയിട്ടുണ്ട്.