പേപ്പാറ ഡാമിന്റെ രണ്ട് ഷട്ടറുകൾ തുറന്നു

തിരുവനന്തപുരം പേപ്പാറ ഡാമിന്റെ രണ്ട് ഷട്ടറുകൾ തുറന്നു. വൃഷ്ടി പ്രദേശത്തെ കനത്ത മഴയെ തുടർന്ന് ഡാമിൽ ജലനിരപ്പ് ഉയരുന്ന പശ്ചാത്തലത്തിലാണ് ഇന്ന് ഷട്ടറുകൾ തുറന്നത്. ആകെയുള്ള നാല് ഷട്ടറുകളിൽ രണ്ടെണ്ണമാണ് 5 സെന്റിമീറ്റർ വീതം ഉയർത്തിയത്. ഷട്ടറുകൾ തുറന്ന സാഹചര്യത്തിൽ കരമനയാറിന്റെ തീരത്തുള്ളവർ ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചു.

Read Also; കുരുക്ക് മുറുകി ശ്രീറാം വെങ്കിട്ടരാമൻ; ശ്രീറാം വെങ്കിട്ടരാമന്റെ ക്രമക്കേടുകളെ എതിർത്തതിന്റെ പേരിൽ കെഎഎസ്ഇ എക്‌സിക്യുട്ടീവ് ഡയറക്ടറെ പിരിച്ചുവിട്ടു; 24 എക്‌സ്‌ക്ലൂസീവ്

ഇനി  അറിയിപ്പ് ഉണ്ടാകുന്നതുവരെ കരമനയാറിൽ  കുളിക്കുന്നതുൾപ്പെടെയുള്ള ആവശ്യങ്ങൾക്ക് ഇറങ്ങരുതെന്നും ജില്ലാ ഭരണകൂടം അറിയിച്ചിട്ടുണ്ട്. 107.5 മീറ്ററാണ് ഡാമിലെ പരമാവധി സംഭരണ ശേഷി. 107.46 മീറ്ററാണ് നിലവിൽ ഡാമിൽ ജലനിരപ്പ്. സെക്കൻഡിൽ 13.89 ക്യുബിക് മീറ്റർ വെള്ളമാണ് ഒഴുക്കി കളയുന്നത്. അതേ സമയം വൈദ്യുതോൽപ്പാദനം 24 മണിക്കൂറും നടക്കുന്നുണ്ട്.