ജയം എതിരില്ലാത്ത 56 ഗോളുകൾക്ക്; ഗോളടിച്ചു മടുത്ത് ബ്രസീലിയൻ ടീം

എതിരില്ലാത്ത 56 ഗോളുകൾക്ക് ജയിച്ചിരിക്കുകയാണ് ബ്രസീലിയൻ സൂപ്പർ ക്ലബമായ ഫ്ലമെം​ഗോയുടെ വനിതാ ടീം. ഗ്രെമിന്യോയ്ക്കെതിരെയാണ് ഫ്ലമം​ഗോ സംഘം ​ഗോളടിച്ചുകൂട്ടിയത്. ബ്രസീലിലെ റിയോ ഡി ജെൻീറോയിലെ റിയോ സ്റ്റേറ്റ് ലീ​ഗിലാണ് ഫ്ലമെംഗോയുടെ പടുകൂറ്റൻ ജയം.

മത്സരത്തിൻ്റെ ആദ്യ പതിനൊന്ന് മിനിറ്റിനുള്ളിൽ തന്നെ ഏഴ് ​ഗോളുകൾ നേടി ഫ്ലമെം​ഗോ വിജയം ഉറപ്പിച്ചിരുന്നു. ആദ്യ പകുതി അവസാനിക്കുമ്പോൾ 29 ​ഗോളുകൾക്ക് ഫ്ലമെം​ഗോ മുന്നിലായിരുന്നു. ശേഷിച്ച 27 ​ഗോളുകൾ അവർ രണ്ടാം പകുതിയിലും നേടി. ഓരോ ഒന്നര മിനിട്ടുകളിലും ഓരോ ഗോളുകൾ വീതമാണ് ഇവർ നേടിയത്.

പ്രതിരോധതാരം റെയ്സ, മുന്നേറ്റതാരം ഫ്ലാവിയ എന്നിവർ പതിനൊന്ന് ​ഗോളുകൾ വീതം നേടി ടോപ്പ് സ്കോറർമാരായി. മധ്യനിര താരം സാമിയ ഒമ്പത് ​ഗോളുകൾ നേടി.