പാലക്കാട്ടെ മാവോയിസ്റ്റ് വധം; സർക്കാരിനോട് വിശദീകരണം തേടുമെന്ന് ദേശീയ മനുഷ്യാവകാശ കമ്മീഷൻ

പാലക്കാട് മാവോയിസ്റ്റുകൾ കൊല്ലപ്പെട്ട സംഭവത്തിൽ സർക്കാരിനോട് വിശദീകരണം തേടുമെന്ന് ദേശീയ മനുഷ്യാവകാശ കമ്മീഷൻ എച്ച് എൽ ദത്തു. സാധാരണ ഇത്തരം കാര്യങ്ങൾ 48 മണിക്കൂറിനുള്ളിൽ അറിയിക്കുന്നതാണ് കീഴ്‌വഴക്കമെന്നും ദത്തു പറഞ്ഞു. അതേസമയം, വാളയാർ പീഡനക്കേസിൽ പരാതികളൊന്നും കിട്ടിയിട്ടില്ലെന്നും ദത്തു പറഞ്ഞു. എന്നാൽ പുനരന്വേഷണത്തിന് അപേക്ഷ നൽകുമെന്നാണ് ചീഫ് സെക്രട്ടറി അറിയിച്ചതെന്നും എച്ച് എൽ ദത്തു വ്യക്തമാക്കി.

അതേസമയം കേന്ദ്ര ബാലാവകാശ കമ്മീഷൻ വാളയാറിലെ പെൺകുട്ടികളുടെ മാതാപിതാക്കളെ കാണാതെ മടങ്ങി. ഇന്നലെ തിരുവനന്തപുരത്ത് പോയ മാതാപിതാക്കൾ ഇതുവരെ വാളയാറിലെത്താത്തതിനെ തുടർന്നാണ് കമ്മീഷൻ മടങ്ങിയത്. ബാലാവകാശ കമ്മീഷൻ അംഗം യശ്വന്ത് ജെയിന്റെ നേതൃത്വത്തിലുള്ള സംഘമാണ് മടങ്ങിയത്.