‘ലഘുലേഖ കൈവശംവച്ചതുകൊണ്ട് യുഎപിഎ ചുമത്താൻ സാധിക്കില്ല; ശക്തമായ തെളിവ് വേണം’: യുഎപിഎ അധ്യക്ഷൻ ട്വന്റിഫോറിനോട്

ലഘുലേഖ കൈവശംവച്ചതുകൊണ്ട് മാത്രം യുഎപിഎ ചുമത്താൻ സാധിക്കില്ലെന്ന് യുഎപിഎ സമിതി അധ്യക്ഷൻ റിട്ട. ജസ്റ്റിസ് പി എസ് ഗോപിനാഥൻ. യുഎപിഎ ചുമത്താൻ ശക്തമായ തെളിവുണ്ടായിരിക്കണമന്നും ഇത് പൊലീസ് ഉറപ്പുവരുത്തണമെന്നും ഗോപിനാഥൻ ട്വന്റിഫോറിനോട് പറഞ്ഞു.

ഭൂരിഭാഗം യുഎപിഎ കേസുകളിലും തെളിവുണ്ടായിരിക്കില്ല. പല കേസുകളിലും പൊലീസ് തിടുക്കം കാണിക്കാറുണ്ട്. പൊലീസുകാർ കൂടുതൽ ജാഗ്രത കാണിക്കണം. കോഴിക്കോട് വിദ്യാർത്ഥികളെ അറസ്റ്റു ചെയ്ത സംഭവത്തിൽ യുഎപിഎ ചുമത്തി എഫ്‌ഐആറിട്ടത് സ്വാഭാവിക നടപടിയാണെന്നും ഗോപിനാഥൻ പറഞ്ഞു. അതേസമയം, നിരോധിക്കപ്പെട്ട സംഘടനയുടെ അംഗമാകുകയോ, അതുമായി ബന്ധപ്പെട്ട ലഘുലേഖകൾ കൈവശംവയ്ക്കുകയോ ചെയ്താൽ അത് കുറ്റകരമാണെന്നും ഗോപിനാഥൻ വ്യക്തമാക്കി.