കാർഷിക കടങ്ങൾ റീ ഷെഡ്യൂൾ ചെയ്യാൻ കർഷകർ താത്പര്യം കാണിക്കാത്തത് സർക്കാരിന്റെ ശ്രദ്ധയിൽപ്പെട്ടിട്ടുള്ളതായി മന്ത്രി വിഎസ് സുനിൽ കുമാർ

കാർഷിക കടങ്ങൾ റീ ഷെഡ്യൂൾ ചെയ്യാൻ കർഷകർ താത്പര്യം കാണിക്കാത്ത വിഷയം സർക്കാരിന്റെ ശ്രദ്ധയിൽപ്പെട്ടിട്ടുള്ളതായി കൃഷി മന്ത്രി വിഎസ് സുനിൽ കുമാർ. ജപ്തി നടപടികളുമായി ബാങ്ക് വരുമ്പോൾ റീ ഷെഡ്യൂൾ ചെയ്യാത്തവരെ സംരക്ഷിക്കാൻ കഴിയാത്ത സാഹചര്യം വരുമെന്നും കൃഷി മന്ത്രി വിഎസ് സുനിൽ കുമാർ കൂട്ടിച്ചേർത്തു.

അധിക പലിശ സർക്കാർ ഏറ്റെടുക്കണമെന്ന നിർദേശം കൃഷിവകുപ്പ് ധനവകുപ്പിന് സമർപ്പിച്ചിട്ടുണ്ട്. മോറട്ടോറിയം കൊണ്ട് ഗുണമില്ല എന്ന് പറയുന്നത് ശരിയല്ല. മൂന്ന് മാസത്തേക്ക് കൂടി കാർഷിക വായ്പകൾക്ക് മൊറൊട്ടോറിയം കൂട്ടണം എന്നാവശ്യപ്പെട്ടിട്ടുണ്ടെന്നും സർക്കാരിന്റെ സാമ്പത്തിക പ്രതിസന്ധിയെത്തുടർന്നാണ് അധിക പലിശ ഏറ്റെടുക്കാൻ കഴിയാത്തതെന്നും മന്ത്രി പറഞ്ഞു.