പ്രസവ ശേഷം തടികുറച്ചതിന്റെ വീഡിയോ പങ്കുവച്ച് ടെന്നീസ് താരം സാനിയ മിർസ

ഇന്ത്യയിൽ നിന്നുള്ള പ്രെഫഷണൽ ടെന്നീസ് താരമാണ് സാനിയ മിർസ പാകിസ്താൻ ക്രിക്കറ്റ് താരം ഷൊഹൈബ് മാലിക്കിനെ വിവാഹം ചെയ്ത സാനിയ മിർസ കഴിഞ്ഞ വർഷം ഒക്ടോബറിലാണ് കുഞ്ഞിന് ജന്മം നൽകിയത്. കുഞ്ഞ് ഉണ്ടായതിന് പിന്നാലെ ടെന്നീസിൽ നിന്ന് വിട്ട് നിന്ന താരം, ഇപ്പോൾ തടി കുറച്ചതിനു പിന്നിലുള്ള രഹസ്യം  ആരാധകരുമായി പങ്കുവയ്ക്കുകയാണ്. തടി കുറയ്ക്കാൻ തീരുമാനിച്ചതിനു പിന്നാലെ ഓരോ ദിവസവും നേരിടേണ്ടി വന്ന ബുദ്ധിമുട്ടുകളെക്കുറിച്ചും താരം ഇൻസ്റ്റഗ്രാം വീഡിയോയിലൂടെ ആരാധകരുമായി പങ്കുവെയ്ക്കുന്നു.

‘ഭാരം കുറയ്ക്കുന്നതിനൊപ്പം കായിക ഇനത്തിനു പറ്റുന്ന രീതിയിൽ ശരീരത്തെ ഫിറ്റ് ആക്കി മാറ്റണമെന്നും അതിനായുള്ള വ്യായാമങ്ങളിലാണ് ഇപ്പോൾ ശ്രദ്ധ ചെലുത്തിയതെന്നും സാനിയ പറയുന്നു. ഹിപ്പ്, ലോവർ ബാക്ക് എന്നിവിടങ്ങളിലെ അനാവശ്യ കൊഴുപ്പ് നീക്കം ചെയ്യുന്നതിനുള്ള  വ്യായാമങ്ങളാണ് ആദ്യഘട്ടത്തിൽ ചെയ്തതെന്നും സാനിയ പറയുന്നു’. മാത്രമല്ല, ഓരോ ദിവസത്തെ വ്യായാമത്തിന്റെ വീഡിയോയും താരം പങ്കുവച്ചിട്ടുണ്ട്.