പൗരത്വ ഭേദഗതിക്കെതിരായ പ്രതിഷേധം; വിദേശ വനിതയോട് രാജ്യം വിടാൻ നിർദേശം

പൗരത്വ നിയമ ഭേദഗതിക്കെതിരായ പ്രതിഷേധ പ്രകടനത്തിൽ പങ്കെടുത്ത വിദേശ വനിതയോട് രാജ്യം വിടാൻ നിർദേശം. നോർവീജിയൻ പൗര യനേ യാഹാസനെതിരെയാണ് നടപടി. വിസ ചട്ടങ്ങൾ ലംഘിച്ചുവെന്ന് ചൂണ്ടിക്കാട്ടിയാണ് നടപടി.

തിങ്കളാഴ്ച കൊച്ചിയിൽ നടന്ന പ്രതിഷേധ മാർച്ചിലാണ് യനേ മേതെ പങ്കെടുത്തത്. പ്രതിഷേധത്തിന്റെയും അതിൽ പങ്കെടുത്തതിന്റെയും ചിത്രങ്ങൾ യനേ തന്റെ ഫേസ്ബുക്ക് അക്കൗണ്ടിലൂടെ പങ്കുവച്ചിരുന്നു. ഇത് ശ്രദ്ധയിൽപ്പെട്ടതോടെയാണ് യാനേയെക്കെതിരെ നടപടി വന്നത്. ഇത് സംബന്ധിച്ച് യുവതിയെ ഫോറിനേഴ്‌സ് റീജണൽ രജിസ്‌ട്രേഷൻ ഓഫിസ് അധികൃതർ ചോദ്യം ചെയ്തിരുന്നു. ഒക്ടോബറിലാണ് യനേ ഇന്ത്യയിൽ എത്തിയത്. മാർച്ച് വരെയാണ് അവരുടെ വീസ കാലാവധി.

Read Also : പൗരത്വ നിയമ ഭേദഗതിക്കെതിരെ പ്രതിഷേധിച്ചു; ജർമൻ വിദ്യാർത്ഥിയെ നാട്ടിലേക്ക് തിരിച്ചയച്ച് മദ്രാസ് ഐഐടി

നേരത്തെ നിയമത്തിനെതിരായ പ്രതിഷേധത്തിൽ പങ്കെടുത്ത ജർമൻ സ്വദേശിയും മദ്രാസ് ഐഐടി വിദ്യാർത്ഥിയുമായ ജേക്കബ് ലിൻഡൻതാലിനെ തിങ്കളാഴ്ച നാട് കടത്തിയിരുന്നു.

Story Highlights- Citizenship Amendment Act