ഇന്ത്യയുടെ ആദ്യത്തെ സംയുക്ത സേന മേധാവിയായി ബിപിൻ റാവത്തിനെ നിയമിച്ചു

ഇന്ത്യയുടെ ആദ്യത്തെ സംയുക്ത സേന മേധാവിയായി(ചീഫ് ഓഫ് സിഫൻസ് സ്റ്റാഫ്) ജനറൽ ബിപിൻ റാവത്തിനെ നിയമിച്ചു. നിലവിൽ കരസേന മേധാവിയായ ബിപിൻ റാവത്ത് നാളെ വിരമിക്കാനിരിക്കെയാണ് പുതിയ നിയമനം.

1954ലെ ആർമി ചട്ടങ്ങളിൽ ഭേദഗതി വരുത്തിയാണ് പുതിയ നിയമനം. കഴിഞ്ഞ സ്വാതന്ത്ര്യ ദിനത്തിലാണ് കര,വ്യോമ, നാവിക സേനകളുടെ സംയുക്ത മേധാവി എന്ന പദവി നരേന്ദ്ര മോദി പ്രഖ്യാപിച്ചത്.  പൗരത്വ നിയമ ഭേദഗതിയുമായി ബന്ധപ്പെട്ട് രാജ്യത്ത് നടന്ന പ്രതിഷേധങ്ങളെ വിമർശിച്ച് ബിപിൻ റാവത്ത് നടത്തിയ പരാമർശം ഏറെ വിവാദം സൃഷ്ടിച്ചിരുന്നു.