ഗുജറാത്തിൽ മഹാത്മാ ഗാന്ധിയുടെ പ്രതിമ അജ്ഞാതർ തകർത്തു

ഗുജറാത്തിലെ അംറേലിയിൽ മഹാത്മ ഗാന്ധിയുടെ പ്രതിമ അജ്ഞാതർ തകർത്തു. അംറേലി ജില്ലയിലെ ഹരികൃഷ്ണ തടാകത്തിനടുത്ത് സ്ഥിതി ചെയ്യുന്ന പ്രതിമയാണ് അജ്ഞാതർ തകർത്തത്. ഇന്നലെ രാത്രിയാണ് സംഭവം നടന്നത്.

2017ൽ പ്രധാനമന്ത്രി നരേന്ദ്ര മോദിയാണ് പ്രതിമ അനാച്ഛാദനം ചെയ്തത്. സുറത്ത് ആസ്ഥാനമാക്കി പ്രവർത്തിക്കുന്ന വജ്ര വ്യാപാരി സാവ്ജി ഭായ് ഡോലാക്കിയയുടെ നേതൃത്വത്തിലുള്ള ഫൗണ്ടേഷനാണ് പ്രതിമ സംരക്ഷിക്കുന്നത്. പ്രതിമ തകർത്തയാളുകളെ കണ്ടെത്താനുള്ള ശ്രമങ്ങൾ നടത്തുകയാണെന്ന് സബ് ഇൻസ്‌പെക്ടർ വൈ പി ഗോഹിൽ പറഞ്ഞു.

story highlights- mahatma gandhi, statue, Amreli