മെക്‌സിക്കോയിൽ മയക്കുമരുന്ന് കേസുകളുമായി ബന്ധപ്പെട്ട് കാണാതാകുന്നവരുടെ എണ്ണം വർധിക്കുന്നതായി റിപ്പോർട്ട്

മെക്‌സിക്കോയിൽ മയക്കുമരുന്ന് കേസുകളുമായി ബന്ധപ്പെട്ട് അറുപതിനായിരത്തിലധികം പേരെ കാണാതായതായി റിപ്പോർട്ട്. ഔദ്യോഗിക കണക്കു പ്രകാരം 61637 പേരെയാണ് മയക്കുമരുന്ന് വേട്ടയുമായി ബന്ധപ്പെട്ട് ഇതിനോടകം കാണാതായിരിക്കുന്നതെന്നാണ് ദേശീയ രജിസ്ട്രി മേധാവി കർല ക്വിന്റാന വ്യക്തമാക്കുന്നത്.

കാണാതായവരിൽ നാലിലൊന്നും സ്ത്രീകളാണെന്നും ക്വിന്റാന കൂട്ടിച്ചേർത്തു. ഇന്നലെയാണ് മയക്കുമരുന്ന് വേട്ടയുമായി ബന്ധപ്പെട്ട് പൊലീസും മയക്കുമരുന്ന് മാഫിയകളുമായി തമ്മിലുള്ള ഏറ്റുമുട്ടലുകളിൽ കാണാതായവരുടെ എണ്ണം സംബന്ധിച്ച കണക്കുകൾ മെക്‌സിക്കൻ സർക്കാർ പുറത്തുവിട്ടത്.

മുൻപ് കാണാതായവരുടെ എണ്ണം സർക്കാർ തിട്ടപ്പെടുത്തിയിരുന്നെങ്കിലും അത് കൃത്യമല്ലെന്ന് സൂചിപ്പിക്കുന്നതാണ് നിലവിലെ കണക്കുകൾ. പഴയ കണക്കുകളിൽ നിന്ന് 50 ശതമാനത്തിന്റെ വർധനയാണ് പുതിയ കണക്കുകളിൽ പ്രകടമാകുന്നത്. അധികാരത്തിലെത്തി ഒരു വർഷം മാത്രമായ പ്രസിഡന്റ് ആൻഡ്രസ് മാനുവൽ ലോപസ് നയിക്കുന്ന സർക്കാരിനു കീഴിലാണ് ഇത്രയധികം കേസുകൾ റിപ്പോർട്ട് ചെയ്തിരിക്കുന്നതെന്നതും ശ്രദ്ധേയമാണ്.

Story highlight: mexico, drugs case, missing persons