നിർമാണത്തിലിരുന്ന ഭൂവനേശ്വർ വിമാനത്താവളത്തിലെ കെട്ടിടത്തിന്റെ മേൽക്കൂര തകർന്ന് ഒരാൾ മരിച്ചു

ഒഡീഷയിലെ ഭൂവനേശ്വർ വിമാനത്താവളത്തിൽ നിർമാണത്തിലിരുന്ന കെട്ടിടത്തിന്റെ മേൽക്കൂര തകർന്നു വീണ് ഒരാൾ മരിച്ചു. ഒരാളെ ഗുരതരമായ പരിക്കുകളോടെ ഒരാളെ ആശുപത്രിയിൽ പ്രവേശിപ്പിച്ചു.

ഇന്ന് പുലർച്ചെയാണ് അപകടം. വിമാനത്താവളത്തിലെ ടെർമിനൽ-1, ടെർമിനൽ -2 എന്നിവയുമായി ബന്ധിപ്പിക്കുന്ന കെട്ടിടത്തിന്റെ മേൽക്കൂരയാണ് തകർന്നത്. കെട്ടിടത്തിന്റെ നിർമാണം പുരോഗമിക്കുന്നതിനിടയിലായിരുന്നു അപകടം. അപകടത്തിൽ ഒരാൾ മരിക്കുകയും ഗുരതരമായ പരിക്കുകളോടെ ഒരാളെ ആശുപത്രിയിൽ പ്രവേശിപ്പിക്കുകയും ചെയ്തു. ദേശീയ ദുരന്ത പ്രതികരണ സേന, സംസ്ഥാന ദുരന്ത നിവാരണ സേന, അഗ്‌നിശമന സേനാംഗങ്ങൾ എന്നിവർ സ്ഥലത്തെത്തി രക്ഷാപ്രവർത്തനം നടത്തി.