ചിരിച്ച് കളിച്ച് വിവാഹത്തിനൊരുങ്ങി ഭാമ; മെഹന്ദി ചിത്രങ്ങൾ

നടി ഭാമയുടെ മൈലാഞ്ചി കല്യാണത്തിന്റെ ചിത്രങ്ങൾ പുറത്ത്. താരം തന്നെയാണ് തന്റെ ഇൻസ്റ്റഗ്രാം അക്കൗണ്ടിലൂടെ ചിത്രങ്ങൾ പങ്കുവെച്ചിരിക്കുന്നത്. ദുബായിൽ ബിസിനസുകാരനായ അരുണാണ് വരൻ.

ചെന്നിത്തല സ്വദേശിയായ അരുൺ ഭാമയുടെ സഹോദരിയുടെ ഭർത്താവിന്റെ സുഹൃത്തും സഹപാഠിയുമാണ്. വീട്ടുകാർ പറഞ്ഞുറപ്പിച്ച വിവാഹമാണെന്ന് ഭാമ അഭിമുഖത്തിൽ പറഞ്ഞിരുന്നു.

വിവാഹം കഴിഞ്ഞ് വിദേശത്തേക്ക് പോവാൻ തനിക്ക് ആഗ്രഹമില്ലെന്നും കൊച്ചിയിൽ തന്നെ സെറ്റിൽ ചെയ്യാനാണ് തീരുമാനമെന്നും ഭാമ പറയുന്നു. അരുണും കൊച്ചിയിൽ സെറ്റിൽ ചെയ്യാനുള്ള ശ്രമങ്ങളിലാണെന്നും ഭാമ കൂട്ടിച്ചേർത്തു.