ചൈനാ സന്ദർശനം കഴിഞ്ഞ് തിരിച്ചെത്തിയ ഒരാളെ കണ്ണൂർ മെഡിക്കൽ കോളജിൽ പ്രവേശിപ്പിച്ചു

ചൈനാ സന്ദർശനം കഴിഞ്ഞ് തിരിച്ചെത്തിയ ഒരാളെ പരിയാരത്തെ കണ്ണൂർ ഗവ. മെഡിക്കൽ കോളജിൽ പ്രവേശിപ്പിച്ചു. ഇന്ന് വൈകിട്ട് ആറോടെയാണ് ഇദ്ദേഹത്തെ ആശുപത്രിയിലെത്തിച്ചത്.

കഴിഞ്ഞ ദിവസം ചൈനാ സന്ദർശനം കഴിഞ്ഞെത്തിയ ഇദ്ദേഹത്തിന് തൊണ്ടവേദന, ചുമ, പനി തുടങ്ങിയ അസുഖങ്ങൾ കണ്ടതിനെ തുടർന്നാണ് മെഡിക്കൽ കോളജിൽ എത്തിച്ചത്. ആശുപത്രി എട്ടാം നിലയിലെ പ്രത്യേകം തയാറാക്കിയ ഐസോലേഷൻ വാർഡിലാണ് ഇദ്ദേഹത്തെ പാർപ്പിച്ചിരിക്കുന്നത്.

ബിസിനസ് ആവശ്യത്തിനായി ചൈനയിൽ പോയ ഇദ്ദേഹം കണ്ണൂർ ജില്ലക്കാരൻ തന്നെയാണ്. നിരീക്ഷണത്തിന് മാത്രമാണ് ഇദ്ദേഹത്തെ ആശുപത്രിയിൽ പ്രവേശിപ്പിച്ചതെന്നും ഒരു വിധത്തിലുള്ള ആശങ്കകൾക്കും ഇടയില്ലെന്നും ആർഎംഒ ഡോ എം സരീൻ പറഞ്ഞു.

Story Highlights- Corona Virus