ഉത്സവത്തിന് വെടിക്കെട്ട് നടത്താൻ അനുമതി തേടി എറണാകുളത്തപ്പൻ ക്ഷേത്ര അധികൃതർ ഹൈക്കോടതിയിൽ

എറണാകുളത്തപ്പൻ ക്ഷേത്രത്തിൽ ഉത്സവത്തോട് അനുബന്ധിച്ച് വെടിക്കെട്ട് നടത്താൻ അനുമതി തേടി ക്ഷേത്രം ഭരണസമിതി ഹൈക്കോടതിയിൽ അപേക്ഷ നൽകി. ഈ ബുധനാഴ്ചയും വെള്ളിയാഴ്ചയും വെടിക്കെട്ട് നടത്താനാണ് അനുമതി തേടിയിരിക്കുന്നത്.

വെടിക്കെട്ടിന് ജില്ലാ കളക്ടർ അനുമതി നൽകാത്ത സാഹചര്യത്തിലാണ് ക്ഷേത്ര ഭരണ സമിതി ഹൈക്കോടതിയെ സമീപിച്ചത്. കേസ് നാളെ കോടതി പരിഗണിക്കും.