കൊവിഡ് ഭേദമായ റാന്നി സ്വദേശികള്‍ ആശുപത്രി വിട്ടു
കൊവിഡ് 19 ഭേദമായ റാന്നി സ്വദേശികള്‍ ആശുപത്രി വിട്ടു. ഇറ്റലിയില്‍ നിന്നെത്തിയ ഇവര്‍ക്ക് രോഗബാധ സ്ഥിരീകരിച്ചതോടെയാണ് ആശുപത്രിയില്‍ പ്രവേശിപ്പിച്ചത്. ആശുപത്രി വിട്ടാലും ഇവര്‍ 15 ദിവസത്തേക്ക് വീട്ടില്‍ നിരീക്ഷണത്തില്‍ കഴിയണം. ഡോക്ടര്‍മാര്‍ക്കും ആരോഗ്യ വകുപ്പ് മന്ത്രിക്കും നന്ദി അറിയിച്ചാണ് പ്രത്യേക ആംബുലസന്‍സില്‍ ഇവര്‍ വീട്ടിലേക്ക് മടങ്ങിയത്.
ഇറ്റലിയില്‍ നിന്നെത്തി രോഗം സ്ഥിരീകരിച്ച മൂന്നുപേരും ഇവരുടെ ബന്ധുക്കളായ രണ്ടുപേരുമാണ് ഇന്ന് ആശുപത്രി വിട്ടത്. രോഗം സ്ഥിരീകരിച്ചതോടെ ഇവര്‍ മൂന്നാഴ്ചയോളമായി ആശുപത്രിയില്‍ നിരീക്ഷണത്തിലായിരുന്നു. അവസാനം വന്ന രണ്ട് സാമ്പിളുകള്‍ നെഗറ്റീവ് ആയതോടെയാണ് ആശുപത്രിയില്‍ നിന്ന് ഡിസ്ചാര്‍ജ് ചെയ്തത്.
ഇവരുടെ വീടുകളും പരിസരവുമെല്ലാം ആരോഗ്യ വകുപ്പ് ഉദ്യോഗസ്ഥരുടെ നേതൃത്വത്തില്‍ ശുചീകരിച്ചിരുന്നു. റാന്നി അങ്ങാടിയിലെ ആരോഗ്യ പ്രവര്‍ത്തകര്‍ ഇവരെ നിരീക്ഷിക്കും. 15 ദിവസത്തേക്ക് ഇവര്‍ നിരീക്ഷണത്തിലായിരിക്കുമെന്ന് ഡോക്ടര്‍ അറിയിച്ചു.
Story Highlights: coronavirus, Covid 19,
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
