കൊവിഡ് 19 : അമേരിക്കയിൽ രണ്ട് മലയാളികൾ മരിച്ചു

കൊറോണ ബാധിച്ച് അമേരിക്കയിൽ രണ്ട് മലയാളികൾ മരിച്ചു. പത്തനംതിട്ട സ്വദേശി തോമസ് ഡേവിഡും ന്യൂയോർക്കിൽ താമസിച്ചിരുന്ന നാൽപ്പത്തിയൊന്ന് കാരിയുമാണ് മരിച്ചത്.

പത്തനംതിട്ട ഇലന്തൂർ സ്വദേശിയാണ് മരിച്ച തോമസ് ഡേവിഡ്. കൊവിഡ് ബാധ കണ്ടെത്തിയതിനെ തുടർന്ന് തീവ്രപരിചരണ വിഭാഗത്തിൽ ചികിത്സയിലായിരുന്നു.

അതേസമയം, അമേരിക്കയിൽ സ്ഥിതി അതീവ ഗുരുതരമാവുകയാണ്. ഇന്നലെ മാത്രം 709 പോരാണ് മരിച്ചത്. 3750 പേർക്ക് രോഗം പുതിയതായി സ്ഥിരീകരിച്ചു. രാജ്യത്ത് രോഗ ബാധിതരുടെ എണ്ണം ഇതോടെ 2 ലക്ഷത്തിലേക്ക് അടുക്കാറായി. 3850 പേർക്കാണ് ഇതുവരെ കൊവിഡ് മൂലം ജീവൻ നഷ്ടമായത്. ഇവർക്ക് മലേറിയ പ്രതിരോധ മരുന്നുകൾ നൽകുമെന്ന് പ്രസിഡന്റ് ഡോണാൾഡ് ട്രംപ് അറിയിച്ചു.

Story Highlights- coronavirus,