ആലപ്പുഴയിൽ കൊവിഡ് സ്ഥിരീകരിച്ച രണ്ടുപേരുടെ റൂട്ട് മാപ്പ് പുറത്തുവിട്ടു

ആലപ്പുഴയിൽ ഇന്നലെ കൊവിഡ് സ്ഥിരീകരിച്ച രണ്ടുപേരുടെ റൂട്ട് മാപ്പ് പുറത്തുവിട്ടു. നിരീക്ഷണത്തിൽ കഴിയവേയാണ് ഇരുവർക്കും രോഗം സ്ഥിരീകരിച്ചത്. ഒരാൾ നിസാമുദ്ദീൻ സമ്മേളനത്തിൽ പങ്കെടുത്ത് തിരികെയെത്തിയതും മറ്റൊരാൾ ദുബായിൽ നിന്നുമാണ് എത്തിയത്. ഇരുവർക്കും രോഗലക്ഷണങ്ങൾ ഉണ്ടായിരുന്നില്ല. ഇതോടെ ജില്ലയിൽ കൊവിഡ് ബാധിതരുടെ എണ്ണം മൂന്നായി.

നിസാമുദ്ദീൻ സമ്മേളനത്തിൽ പങ്കെടുത്തയാൾ ശേഷം 23 ന് ചെങ്ങന്നൂർ എത്തികയും. ശേഷം ഇയാൾ വീട്ടിൽ നിരീക്ഷണത്തിൽ തുടരുകയുമായിരുന്നു. തുടർന്ന്, ആറാം തീയതി മുതൽ കൊവിഡ് കെയർ സെന്ററില്ലും. രോഗം സ്ഥിരീകരിച്ച സാഹചര്യത്തിൽ ഇദ്ദേഹത്തെ മെഡിക്കൽ കോളജിലേക്ക് മാറ്റുകയുമാിരുന്നു.

രോഗം സ്ഥിരീകരിച്ച രണ്ടാമത്തെയാൾ ദുബായിൽ നിന്നുമാണ് എത്തിയത്. 22 ന് കൊച്ചി വിമാനത്താവളത്തിൽ നിന്ന് അദ്ദേഹം കോട്ടയത്തേക്കും തുടർന്ന് അന്നുതന്നെ ചേർത്തലയിലെ വീട്ടിലേക്കും പോയി. വീട്ടിൽ ഐസൊലേഷനിൽ കഴിയുകയായിരുന്ന ഇദ്ദേഹത്തെയും ആശുപത്രിയിലേക്ക് മാറ്റികയുമായിരുന്നു.

അതേസമയം, ഇദ്ദേഹം സഞ്ചരിച്ച ഇകെ 532 വിമാനത്തിൽ യാത്ര ചെയ്ത യാത്രക്കാർ ഉടൻ ബന്ധപ്പെടണമെന്ന് ജില്ലാ ഭരണകൂടം ആവശ്യപ്പെട്ടു.

Story highlight: alappuzha, covid19, routemap