മൂരാട് പുഴയില്‍ വീണ്ടും മുങ്ങി മരണം

കോഴിക്കോട് മൂരാട് പുഴയില്‍ വീണ്ടും മുങ്ങി മരണം. ഇന്നലെ പുഴയില്‍ നീന്തുന്നതിനിടെ അപകടത്തില്‍ പെട്ട കണ്ണങ്കണ്ടി സെയ്യിദ് (14) എന്ന കുട്ടിയാണ്് മരിച്ചത്. മൂരാട് പുതുപ്പണം പുത്തന്‍ നടയിലായിരുന്നു ഇന്നലത്തെ അപകടം.

ഒഴുക്കില്‍ പെട്ട സയ്യിദിനെ നാട്ടുകാര്‍ ആശുപത്രിയില്‍ എത്തിച്ചിരുന്നു. എന്നാല്‍ ഇന്ന് പുലര്‍ച്ചെയോടെ മരിക്കുകയായിരുന്നു. കഴിഞ്ഞ ദിവസം മറ്റൊരു വിദ്യാര്‍ത്ഥി മൂരാട് പുഴയില്‍ നീന്തുന്നതിനിടെ മരിച്ചിരുന്നു.

Story Highlights: drowns, death,   moorad river