മുല്ലപ്പെരിയാറില്‍ ജലനിരപ്പ് ഉയരുന്നു; 136 അടിയായി

മുല്ലപ്പെരിയാര്‍ ഡാമില്‍ ജലനിരപ്പ് ഉയരുന്നു. 136 അടിയിലേക്ക് ജലനിരപ്പ് എത്തിയിട്ടുണ്ട്. പെരിയാറിന്റെ കരയിലുള്ളവരെ ഒഴിപ്പിക്കാനാണ് ജില്ലാ ഭരണകൂടത്തിന്റെ തീരൂമാനം. ഉപ്പുതുറ, പെരിയാര്‍ വില്ലേജുകളിലുള്ളവരെ പാര്‍പ്പിക്കുന്നതിനായി രണ്ടുവീതം ക്യാമ്പുകള്‍ തയാറായിട്ടുണ്ട്.

അല്‍പ സമയം മുന്‍പാണ് മുല്ലപ്പെരിയാര്‍ അണക്കെട്ടിലെ ജലനിരപ്പ് 136 അടിയിലേക്ക് എത്തിയത്. ഇതിനോടകം രണ്ടാമത്തെ ജാഗ്രതാ നിര്‍ദേശം നല്‍കിയിട്ടുണ്ട്. വെള്ളം തുറന്നുവിടുന്നത് സംബന്ധിച്ച് തമിഴ്‌നാട് സര്‍ക്കാരിന്റെ ഔദ്യോഗികമായ അറിയിപ്പിനായി കേരളം കാത്തിരിക്കുകയാണ്. പരമാവധി സംഭരണ ശേഷിയിലേക്ക് എത്തുന്നതിനു മുന്‍പ് ഡാം തുറന്നുവിടണമെന്ന് കേരളം നേരത്തെ തമിഴ്‌നാടിനോട് അഭ്യര്‍ത്ഥിച്ചിരുന്നു.

Story Highlights – Water level rises in Mullaperiyar