കൊവിഡ് ബാധിച്ച് മരിച്ച സബ് ഇൻസ്‌പെക്ടർ അജിതന് ആദരമർപ്പിച്ച് ‘കാക്കി’

കൊവിഡ് പോരാട്ടത്തിനിടെ മരണത്തിന് കീഴടങ്ങിയ സഹപ്രവർത്തകന്റെ ഓർമയ്ക്കായി കവിത എഴുതി തൃശൂർ സിറ്റി പൊലീസ് സബ് ഇൻസ്‌പെക്ടർ സുഭാഷ് പോണോളി. ഈ കവിതയുടെ ദൃശ്യാവിഷ്‌കാരം സമൂഹ മാധ്യമങ്ങളിൽ ശ്രദ്ധ നേടുകയാണ്.

‘കാക്കി’ എന്നാണ് കവിതയുടെ പേര്. അജിതന്റെ സർവീസ് കാലയളവിലെ സംഭവങ്ങളും, കൊവിഡ് പോരാട്ടവും, ട്രെയിനിംഗ് കാലയളവുമെല്ലാം വീഡിയോയിൽ ഉൾപ്പെടുത്തിയിട്ടുണ്ട്.

കഴിഞ്ഞ ദിവസമാണ് കൊവിഡ് ബാധിച്ച് സ്‌പെഷൽ ബ്രാഞ്ച് സബ് ഇൻസ്‌പെക്ടർ അജിതൻ മരണത്തിന് കീഴടങ്ങുന്നത്. അജിതൻറെ സ്മരണകൾക്കു മുമ്പിൽ ആദരാഞ്ജലിയർപ്പിക്കുകയാണ് അദ്ദേഹത്തിൻറെ സുഹൃത്തും ട്രൈനിങ്ങ് ബാച്ച്‌മേറ്റുമായ സ്‌പെഷ്യൽ ബ്രാഞ്ച് സബ് ഇൻസ്‌പെക്ടർ ശ്രീ. സുഭാഷ് പോണോളി.

Story Highlights – kakki honors deceased police officer