പെട്ടിമുടി ഉരുൾപൊട്ടൽ; ഇന്ന് മൂന്നാറിൽ പ്രത്യേക യോഗം ചേരും

പെട്ടിമുടി ഉരുൾപൊട്ടൽ ദുരന്തത്തിന്റെ സ്ഥിതിഗതികൾ വിലയിരുത്താൻ ഇന്ന് മൂന്നാറിൽ പ്രത്യേക യോഗം ചേരും. തെരച്ചിൽ ഇനി തുടരണമോയെന്ന കാര്യം അപകടത്തിൽ പെട്ടവരുടെ കുടുംബാംഗങ്ങളുമായി ചർച്ച ചെയ്ത് തീരുമാനിക്കും.

കഴിഞ്ഞ രണ്ടു ദിവസമായി നടത്തിയ തിരച്ചലിൽ ആരെയും കണ്ടെത്താൻ കഴിഞ്ഞില്ല. ദുരന്ത ഭൂമിയിൽ 14 കിലോ മീറ്റർ മാറി ഉൾവനത്തിൽ ഉൾപ്പെടെ തിരച്ചിൽ നടത്തിയിരുന്നു. കഴിഞ്ഞ ദിവസം തിരച്ചിലിനിടെ വനത്തിൽ കടുവയുടെ സാനിധ്യം കണ്ടതോടെ തിരച്ചിൽ അവസാനിപ്പിച്ചിരുന്നു. ദുരന്തത്തിൽ മരിച്ച 65 പേരുടെ മൃതദേഹം ഇതുവരെ കണ്ടെത്തി. അഞ്ചുപേരെ കൂടി ഇനി കണ്ടെത്താനുണ്ട്. ദുരന്തം നടന്ന പ്രദേശത്ത് മണ്ണു നീക്കം ചെയ്ത് വന്നിരുന്ന പരിശോധനയും ഇതിനകം പൂർത്തിയായി.

Story Highlights – a special meeting will be heald today meeting munnar