കണ്ണൂര്‍ മെഡിക്കല്‍ കോളജ് പ്രിന്‍സിപ്പലിനും മാനേജര്‍ക്കും അറസ്റ്റ് വാറണ്ട്

അഞ്ചരക്കണ്ടി കണ്ണൂര്‍ മെഡിക്കല്‍ കോളജ് പ്രിന്‍സിപ്പലിനെയും മാനേജരെയും അറസ്റ്റ് ചെയ്ത് ഹാജരാക്കാന്‍ ഹൈക്കോടതി ഉത്തരവ്. ഇരുവരെയും തിങ്കളാഴ്ച ഹാജരാക്കാനാണ് ജസ്റ്റിസ് പി വി ആശയുടെ നിര്‍ദേശം.

Read Also : കണ്ണൂര്‍ ജില്ലയില്‍ ആക്ടീവ് ആയി തുടരുന്നത് ആറ് കൊവിഡ് ക്ലസ്റ്ററുകള്‍

മെഡിക്കല്‍ പി ജി ക്ലാസുകള്‍ പുനരാരംഭിക്കണമെന്ന കോടതി നിര്‍ദേശം പാലിക്കാത്തതിനെ തുടര്‍ന്ന് 12 വിദ്യാര്‍ഥികള്‍ സമര്‍പ്പിച്ച ഹര്‍ജിയിലാണ് കോടതി നടപടി. ഇരുവരോടും നേരിട്ട് കോടതിയില്‍ നേരിട്ട് ഹാജാരാകാന്‍ നിര്‍ദേശിച്ചിരുന്നു. ഈ നിര്‍ദേശം ലംഘിച്ചതോടെയാണ് അറസ്റ്റ് വാറന്റ് പുറപ്പെടുവിച്ചത്.

7 മാസമായി പി ജി വിദ്യാര്‍ഥികളുടെ പഠനം നിലച്ച സ്ഥിതിയിലാണ്. കൊവിഡ് ചികിത്സാ കേന്ദ്രമാക്കിയത് ചൂണ്ടിക്കാട്ടിയാണ് മനേജ്‌മെന്റ് ക്ലാസുകള്‍ നിര്‍ത്തിവെച്ചത്. ഗ്രീന്‍ സോണില്‍ ആശുപത്രിയുടെ പ്രവര്‍ത്തനം പുനരാരംഭിച്ച് വിദ്യാര്‍ഥികളുടെ പഠന സാഹചര്യം ഉറപ്പാക്കാനുള്ള ഹൈക്കോടതി ഉത്തരവാണ് മാനേജ്‌മെന്റ് ലംഘിച്ചത്.

Story Highlights – kannur medical college, arrest warrent