കിഫ്ബിക്കും മസാലബോണ്ടിനുമെതിരായ സിഎജി റിപ്പോര്‍ട്ടിലെ പരാമര്‍ശങ്ങള്‍ക്കെതിരെ ആഞ്ഞടിച്ച് മന്ത്രി തോമസ് ഐസക്ക്

കിഫ്ബിക്കും മസാലബോണ്ടിനുമെതിരായ സിഎജി റിപ്പോര്‍ട്ടിലെ പരാമര്‍ശങ്ങള്‍ക്കെതിരെ ആഞ്ഞടിച്ച് ധനമന്ത്രി തോമസ് ഐസക്ക്. നിയമങ്ങളെ തെറ്റായി വ്യാഖ്യാനിച്ച് സിഎജി റിപ്പോര്‍ട്ടില്‍ ഉള്‍പ്പെടുത്താന്‍ ചില്ലറ വിവരക്കേടല്ല വേണ്ടതെന്ന് അദ്ദേഹം ആരോപിച്ചു.

ഏതോ ഗൂഡ ഉദ്ദേശംവച്ചാണ് കിഫ്ബിക്കെതിരായ പരാമര്‍ശങ്ങള്‍. കിഫ്ബി സംസ്ഥാന സര്‍ക്കാരല്ല. സര്‍ക്കാരിനെ അട്ടിമറിക്കുകയായിരുന്നു ലക്ഷ്യം. സര്‍ക്കാരിനെതിരായ ഗൂഢാലോചന പൊളിഞ്ഞതില്‍ വിഷമമുണ്ടാകുമെന്നും തോമസ് ഐസക്ക് തിരുവനന്തപുരത്ത് പറഞ്ഞു.