ഇലയും പൂക്കളും കൊണ്ട് വസ്ത്രം; പ്രകൃതിയോടലിഞ്ഞുചേർന്ന് ഒരു ഫോട്ടോഷൂട്ട്

പ്രകൃതി തീമാക്കി ഒരുക്കിയ ഫോട്ടോഷൂട്ട് ശ്രദ്ധ നേടുന്നു. ഇലയും , പൂക്കളും , ചിത്രങ്ങളും കൊണ്ടുതീർത്ത വർണ വിസ്മയങ്ങളാണ് പ്രകൃതിയുടെ മനോഹാരിത. അതിലേക്കുള്ള ഒരു യാത്രയാണ് ” പ്രകൃതി ” എന്നു പേരിട്ടുള്ള ഈ വേറിട്ട ഫോട്ടോഷൂട്ട്.

ഇലയും , പൂക്കളും , പെയിന്റ്ങ്ങും കൊണ്ടാണ് വസ്ത്രങ്ങൾ ഉണ്ടാക്കിയത് . വിവിധ തര പനയോലകൾ , കവുങ്, കാറ്റാടി തുടങ്ങിയ മരങ്ങളുടെ ഇലകളാണ് ഇതിനായി ഉപയോഗിച്ചത്. ‌

പുഴ കടന്ന് മരങ്ങൾക്കിടയിലുടെ കാടിന്റെ വന്യമായ സൗന്ദര്യം ആസ്വദിക്കുന്ന തരത്തിലാണ് ഈ ഫോട്ടോഷൂട്ട് ഒരുക്കിയത്.

കാടിന്റെ സൗന്ദര്യവും , വസ്ത്രങ്ങളുടെ ഭംഗിയും ചോരാതെ പകർത്തിയത് ജസ്റ്റിൻ ജെയിംസാണ്. ഇലകൾ കൊണ്ടുള്ള വസ്ത്രങ്ങൾ നെയ്തെടുത്തത് കോസ്റ്റും ഡിസൈനർ സ്മൃതി സൈമണും സഹായി ഷെറിൻ പ്രിന്സനും ചേർന്നാണ് .

മോഡലുകളായ , ആതിര , ശ്രീദേവി വേണുഗോപാൽ എന്നിവരെ അണിയിച്ചൊരുക്കിയത് പ്രഫഷണൽ മേക്കപ്പ് ആർട്ടിസ്‌റ്റായ സിന്ധു പ്രദീപ് ആണ് . ഇവർക്കുവേണ്ടി പെയിന്റിംഗ് ചെയ്തത് സംഗീതയും .

ഒപ്പം മറ്റു സാങ്കേതിക പ്രവർത്തകരായ വിലാസ് ഇഷ്ടം , ജിതിൻ പുലിക്കോട്ടിൽ എന്നിവരും പ്രകൃതിയിൽ അണിചേർന്നു.