ബറോസ് ഷൂട്ടിംഗ് ആരംഭിച്ചു; ചിത്രങ്ങൾ പങ്കുവച്ച് മോഹൻലാൽ
മോഹൻലാൽ സംവിധാനം ചെയ്യുന്ന ആദ്യ ചിത്രം ബറോസിൻ്റെ ഷൂട്ടിംഗ് ആരംഭിച്ചു. തൻ്റെ ഫേസ്ബുക്ക് പേജിലൂടെ മോഹൻലാൽ ഷൂട്ടിംഗ് ചിത്രങ്ങൾ പങ്കുവച്ചിട്ടുണ്ട്. ആദ്യ ദിവസത്തെ ഷൂറ്റിംഗ് ആരംഭിച്ചു എന്നാണ് ചിത്രങ്ങളുടെ വിവരണമായി മോഹൻലാൽ കുറിച്ചിരിക്കുന്നത്.
ത്രിഡിയിൽ ഒരുങ്ങുന്ന ചിത്രമാണ് ‘ബറോസ്: ഗാർഡിയൻ ഓഫ് ഡി’ ഗാമാസ് ട്രെഷർ’. 2019-ലാണ് ബറോസ് എന്ന ചിത്രത്തെക്കുറിച്ച് മോഹൻലാലിന്റെ ഔദ്യോഗിക പ്രഖ്യാപനം. മോഹൻലാൽ ആണ് ചിത്രത്തിൽ ബറോസ് എന്ന നായക കഥാപാത്രത്തെ അവതരിപ്പിക്കുന്നത്. ഇന്ത്യൻ സിനിമയിൽ തന്നെ വിസ്മയമൊരുക്കിയ മൈ ഡിയർ കുട്ടിച്ചാത്തന്റെ സ്രഷ്ടാവ് ജിജോ പുന്നൂസിന്റെ രചനയിലാണ് ചിത്രം വരുന്നത്. ഛായാഗ്രഹണം സന്തോഷ് ശിവൻ. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമ്മാണം.
And the Camera starts Rolling! First day of shoot Action! #Barroz
Posted by Mohanlal on Wednesday, 31 March 2021
പോർച്ചുഗീസ് പശ്ചാത്തലമുള്ള പിരീഡ് സിനിമയാണ് ബറോസ്. വാസ്‌കോഡഗാമയുടെ നിധി സൂക്ഷിപ്പുകാരനായ ഒരു ഭൂതമാണ് ബറോസ്. നാനൂറു വർഷങ്ങളായി നിധിയ്ക്ക് കാവലിരിക്കുന്ന ബറോസ് യഥാർത്ഥ അവകാശിയെയാണ് കാത്തിരിക്കുന്നത്. നിധി തേടി ഒരു കുട്ടി ബറോസിനെ മുന്നിലെത്തിലെത്തുന്നതാണ് സിനിമയുടെ പ്രമേയം.
Story Highlights: barroz movie shooting started
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
