കോഴിക്കോട് ജില്ലയിലെ കണ്ടെയ്ൻമെന്റ് സോണുകളിൽ പരിശോധന ശക്തമാക്കി

പ്രതിദിന കൊവിഡ് കണക്ക് വർധിച്ചതോടെ കോഴിക്കോട് ജില്ലയിലെ കണ്ടെയ്ൻമെന്റ് സോണുകളിൽ പരിശോധന ശക്തമാക്കി. കൊവിഡ് മാനദണ്ഡങ്ങൾ പൊതു ഇടങ്ങളിൽ പാലിക്കുന്നുണ്ടെന്ന് ഉറപ്പ് വരുത്താനാണ് പരിശോധന.

ബസ്‌ സ്റ്റാൻഡുകൾ ഉൾപ്പടെയുള്ള പൊതു സ്ഥലങ്ങളിലാണ് പരിശോധന. സാമൂഹിക അകലം പാലിക്കാൻ നിർദേശം നൽകുന്നതിനൊപ്പം വാക്സിൻ സ്വീകരിക്കണമെന്ന അറിയിപ്പും നൽകുന്നുണ്ട്. നിർദേശങ്ങൾ പാലിക്കാത്ത കടയുടമകൾക്ക് നോട്ടീസും നൽകും. സാനിറ്റൈസർ ഉപയോഗം മറന്നു പോയവരെ വീണ്ടും ഓർമപ്പെടുത്തി.

ജില്ലയിൽ ഇതുവരെ 35 പ്രദേശങ്ങളാണ് കണ്ടെയ്ൻമെന്റ് സോണുകളായി പ്രഖ്യാപിച്ചിരിക്കുന്നത്. അഞ്ചു മാസത്തെ ഇടവേളയ്ക്ക് ശേഷം രോഗികളുടെ പ്രതിദിന കണക്ക് ആയിരം കടന്നതോടെയാണ് നിയന്ത്രണങ്ങൾ കടുപ്പിച്ചത്.

Story Highlights: Inspection has been intensified in the containment zones of Kozhikode