70% പേർക്കും രോഗം ; ബിഹാറിലെ ​ഗ്രാമത്തിൽ മരണം ഉയരുന്നു

ബിഹാറിൽ കൊവിഡ് രോഗികളുടെയും കൊവിഡ് ബാധിച്ച് മരിക്കുന്നവരുടെയും എണ്ണംകൂടി വരുകയാണ്. കൈമൂർ ജില്ലയിലെ ബംഹാർ ഖാസ്​ ഗ്രാമത്തിലെ കൊവിഡ് രോ​ഗികളുടെ എണ്ണം, യഥാർത്ഥ കണക്ക് റിപ്പോർട്ട് ചെയ്യപ്പെടുന്നുണ്ടോ എന്ന ചോദ്യം ഉയർത്തുകയാണ്.

കൈമൂർ ജില്ലയിൽ 23 പുതിയ കൊവിഡ് കേസുകൾ റിപ്പോർട്ട് ചെയ്തിട്ടുണ്ടെന്നാണ് സംസ്ഥാന ആരോ​ഗ്യ വകുപ്പ് ട്വീറ്റ് ചെയ്തിരിക്കുന്നത്. എന്നാൽ ബംഹാർ ​ഗ്രാമത്തിൽ കഴിഞ്ഞ 25 ദിവസത്തിനിടെ മരിച്ചത് 34 പേരാണ്. ഇവിടുത്തെ 70 % പേരും രോ​ഗബാധിതരായെന്നാണ് റിപ്പോർട്ട്.

മരിച്ചവരിൽ ചിലർക്ക് കൊവിഡ് പരിശോധന നടത്തിയിരുന്നില്ല. മിക്കവർക്കും കൊവിഡ് ലക്ഷണങ്ങൾ ഉണ്ടായിരുന്നു. ചിലരാകട്ടെ കൊവി‍ഡ് പരിശോധനാ ഫലം പുറത്തുവരും മുമ്പ് മരിച്ചുവെന്ന് ​ഗ്രാമവാസികൾ പറയുന്നു. ടൈഫോയ്ഡ് മലേറിയ തുടങ്ങിയ പരിശോധനകളാണ് നടത്തുന്നത്. അതിനാൽ രോ​ഗം കണ്ടെത്താൻ കഴിയുന്നില്ലെന്നും നാട്ടുകാർ പറഞ്ഞു.

Story Highlights: Villagers at bihar say 70% People Sick But Few Covid Tests