വിഴിഞ്ഞം ബോട്ടപകടത്തിൽ കാണാതായ മത്സ്യത്തൊഴിലാളികൾക്ക് വേണ്ടിയുള്ള തെരച്ചിൽ തുടരുന്നു

വിഴിഞ്ഞത്ത് മത്സ്യബന്ധന ബോട്ട് മറിഞ്ഞുണ്ടായ അപകടത്തിൽ കാണാതായ രണ്ട് മത്സ്യത്തൊഴിലാളികൾക്ക് വേണ്ടിയുള്ള തെരച്ചിൽ തുടരുന്നു. കോസ്റ്റ് ഗാർഡിന്റെ നേതൃത്വത്തിലാണ് രക്ഷാപ്രവർത്തനം പുരോഗമിക്കുന്നത്. ഡോണിയർ എയർക്രാഫ്റ്റും തെരച്ചിൽ നടത്തുന്നുണ്ട്. പൂന്തുറ സ്വദേശികളായ ശെൽവിയർ, ജോസഫ് എന്നിവരെയാണ് കണ്ടെത്താനുള്ളത്. അപകടത്തിൽപെട്ട പതിനൊന്ന് പേരെ കഴിഞ്ഞ ദിവസം രക്ഷപെടുത്തിയിരുന്നു.

കടൽക്ഷോഭം കാരണം വള്ളങ്ങൾ വിഴിഞ്ഞം ഹാർബറിൽ അടുപ്പിക്കാൻ ശ്രമിക്കുമ്പോഴായിരുന്നു അപകടമുണ്ടായത്.

Story Highlights: vizhinjam fishing boat accident