സാമ്പത്തികമായി പിന്നോക്കം നിൽക്കുന്ന ചലച്ചിത്ര പ്രവര്ത്തകര്ക്ക് സൗജന്യ വാക്സിനേഷന് നൽകും ; എന് എം ബാദുഷ
നിര്മ്മാണം പാതിവഴിയിലെത്തിയ തങ്ങളുടെ സിനിമകളില് പ്രവര്ത്തിക്കുന്ന സാമ്പത്തികമായി പിന്നോക്കം നില്ക്കുന്ന ചലച്ചിത്ര പ്രവര്ത്തകര്ക്ക് സൗജന്യ വാക്സിനേഷന് പ്രഖ്യാപിച്ച് നിര്മ്മാതാക്കള്. നിര്മ്മാതാവും പ്രൊഡക്ഷന് കണ്ട്രോളറുമായ എന് എം ബാദുഷയാണ് ഇക്കാര്യം അറിയിച്ചിരിക്കുന്നത്. ടി കെ രാജീവ് കുമാര് സംവിധാനം ചെയ്യുന്ന ബര്മുഡ, കമല് കെ എം സംവിധാനം ചെയ്യുന്ന പട എന്നീ ചിത്രങ്ങളിലെ പ്രവര്ത്തകര്ക്കാണ് സൗജന്യ വാക്സിനേഷന് നല്കുകയെന്ന് ബാദുഷ അറിയിച്ചു.
ഫേസ്ബുക് പോസ്റ്റ് :
സുപ്രധാന വിവരം അറിയിക്കാനാണ് ഈ കുറിപ്പ്.
ഈ കാലവും കടന്നു പോയി എല്ലാ മേഖലകളും സജീവമാകുന്ന സമയത്തിലേക്ക് ഇനി അധികദൂരമില്ല. ഒപ്പം സിനിമ മേഖലയും സജീവമാകും. ഒരു പ്രൊഡക്ഷൻ കൺട്രോളർ എന്ന നിലയിൽ എൻ്റെ സെറ്റിൽ ജോലി ചെയ്യുന്ന എല്ലാവരുടെയും ആരോഗ്യവും ജീവനും കാത്തു സൂക്ഷിക്കുന്നതിൽ ഞാൻ ബദ്ധശ്രദ്ധനാണ്.
എല്ലാവരും വാക്സിനേഷനെടുത്താൽ ആരോഗ്യ കാര്യത്തെക്കുറിച്ച് ഭയമില്ലാതെ സെറ്റിൽ പ്രവർത്തിക്കാനാകും.
സിനിമ മേഖലയിൽ പ്രവർത്തിക്കുന്ന എല്ലാവരും വാക്സിനേഷൻ നടത്തിയാൽ സിനിമ സുഗമമായി പ്രവർത്തിക്കാനുള്ള അനുമതിക്ക് സർക്കാരിന് മുൻഗണന നൽകാനുമാകും.
ഞാൻ പ്രവർത്തിച്ചുകൊണ്ടിരിക്കുന്ന 2 ചിത്രങ്ങളാണ് ഈ കൊവിഡ് കാലയളവിൽ പാതി വഴിയിൽ നിലച്ചത്.
ഞാൻ കൂടി നിർമാണ പങ്കാളിയായിട്ടുള്ള 24 ഫ്രെയിംസിൻ്റെ ബാനറിൽ നിർമിച്ച് ശ്രീ ടി.കെ. രാജീവ് കുമാർ സംവിധാനം നിർവഹിക്കുന്ന ബർമുഡയും E4 എൻ്റർടെയ്ൻമെൻ്റ്സിൻ്റെ ബാനറിൽ നിർമിച്ച് കമൽ സംവിധാനം നിർവഹിക്കുന്ന, ഞാൻ പ്രൊഡക്ഷൻ കൺട്രോളറാകുന്ന പട എന്ന സിനിമയും. ഈ രണ്ടു ചിത്രങ്ങളുടെയും തുടർ ചിത്രീകരണത്തിൽ പങ്കെടുക്കുന്ന സാമ്പത്തികമായി പിന്നോക്കം നിൽക്കുന്ന മുഴുവൻ തൊഴിലാളികൾക്കും ഞാനും നിർമാതാക്കളും ചേർന്ന് സൗജന്യമായി വാക്സിനേഷൻ നൽകും.
ഇനിയങ്ങോട്ട് ഞാൻ പ്രവർത്തിക്കുന്ന എല്ലാ സിനിമകളിലും ഈ രീതി അവലംബിക്കും.
സിനിമയിലെ എല്ലാ സംഘടനകളും തങ്ങളുടെ അംഗങ്ങൾക്ക് സൗജന്യ വാക്സിനേഷന് സൗകര്യമൊരുക്കേണ്ടതാണ്. -എന്ന് നിങ്ങളുടെ ബാദുഷ.
Story Highlights: Film workers, free Covid vaccination, N M Badusha
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here