സുധാകരൻ സ്വീകാര്യനായ നേതാവ് ; പാർട്ടിക്കും യുഡിഎഫിനും പുതുജീവൻ നൽകുന്ന തീരുമാനം – കുഞ്ഞാലിക്കുട്ടി

കെ പി സി സി പ്രസിഡന്റ് സ്ഥാനത്തേക്ക് കെ സുധാകരൻ നിയോ​ഗിക്കപ്പെട്ടത് മുസ്ലീം ലീ​ഗിനെ സംബന്ധിച്ച് വലിയ സന്തോഷം നൽകുന്ന തീരുമാനമാണെന്ന് പി കെ കുഞ്ഞാലിക്കുട്ടി പറഞ്ഞു. പാർട്ടിക്കും യുഡിഎഫിനും പുതുജീവൻ നൽകുന്ന തീരുമാനമാണിത്. സുധാകരൻ വളരെ സ്വീകാര്യനായ നേതാവാണ് എന്നും അദ്ദേഹം അഭിപ്രായപ്പെട്ടു.

കെ സുധാകരൻ പാർട്ടിയും അണികളുമായി വളരെ നല്ല ബന്ധം പുലർത്തുന്ന നേതാവാണ്. ലീഗിന്റെ എല്ലാ പിന്തുണയും സുധാകരന് നൽകും. കോൺ​ഗ്രസ് ശക്തിപ്പെട്ടാലെ യുഡിഎഫ്‌ ശക്തിപ്പെടൂ എന്നും കുഞ്ഞാലിക്കുട്ടി പറഞ്ഞു.

Story Highlights: P K Kunhalikutty – K Sudhakaran