യൂവിയും ഗെയ്ലും ഡിവില്ലിയേഴ്സും ഒരേ ടീമില്‍ എത്തിയേക്കും; മൂവരെയും ലക്ഷ്യമിട്ട് ദ മല്‍ഗ്രേവ് ക്രിക്കറ്റ് ക്ലബ്
അന്താരാഷ്ട്ര ക്രിക്കറ്റിലെ കൂറ്റനടിക്കാരായ ക്രിസ് ഗെയ്ല്‍, യുവരാജ് സിങ്, എ ബി ഡിവില്ലിയേഴ്സ് എന്നിവര്‍ ഒരു ടീമില്‍ കളിക്കാന്‍ പോകുന്നു. മെല്‍ബണിലെ ഈസ്റ്റേണ്‍ ക്രിക്കറ്റ് അസോസിയേഷന്‍ ടീമായ ‘ദ മല്‍ഗ്രേവ് ക്രിക്കറ്റ് ക്ലബ്’ ആണ് മൂവരെയും ടീമിലെത്തിക്കാന്‍ ഒരുങ്ങുന്നത്.
‘ഞങ്ങള്‍ ചര്‍ച്ചയിലാണ്. ഗെയ്ലും യുവരാജും 90 ശതമാനവും ഉറപ്പിച്ച മട്ടാണ്. എങ്കിലും ചില കാര്യങ്ങളില്‍ കൂടി വ്യക്തത വരുത്താനുണ്ട്’ -അദ്ദേഹം പറഞ്ഞു. യുവരാജും ഗെയ്ലും ഇക്കാര്യത്തില്‍ ഇതുവരെ പ്രതികരിച്ചിട്ടില്ല. ഇ.സി.എ ട്വന്‍റി20 കപ്പ് ലക്ഷ്യമിട്ട് ടീമിനെ ഒരുക്കാന്‍ കൂടുതല്‍ സ്പോണ്‍സര്‍മാരെ തേടുകയാണെന്നും ക്ലബ് പ്രസിഡന്‍റ് മിലന്‍ പുല്ലെനായകം പറഞ്ഞു.
മുന്‍ ശ്രീലങ്കന്‍ താരങ്ങളായ തിലക്രത്ന ദില്‍ഷനെയും ഉപുല്‍ തരംഗയെയും ടീമിലെത്തിച്ച അവര്‍ ലങ്കന്‍ ഇതിഹാസം സനത് ജയസൂര്യയെയാണ് കോച്ചായി നിയമിച്ചിരിക്കുന്നത്. വിന്‍ഡീസ് ഇതിഹാസം ബ്രയാന്‍ ലാറയുമായും ചര്‍ച്ചകള്‍ നടത്തുന്നതായും പുല്ലെനായകം പറഞ്ഞു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
