തിരുവല്ല ട്രാവൻകൂർ ഷുഗേഴ്സ് ആൻഡ് കെമിക്കൽസിൽ സ്പിരിറ്റ് വെട്ടിപ്പ്

തിരുവല്ല ട്രാവൻകൂർ ഷുഗേഴ്സ് ആൻഡ് കെമിക്കൽസിൽ സ്പിരിറ്റ് വെട്ടിപ്പ്. സ്പിരിറ്റ് മുക്കിയെന്നാണ് സൂചന. എക്‌സൈസ് സംഘം സ്ഥലത്ത് എത്തി ടാങ്കറുകൾ കസ്റ്റഡിയിലെടുത്ത് പരിശോധിച്ചു.

സംസ്ഥാന സർക്കാരിന് കീഴിന് പ്രവർത്തിക്കുന്ന കമ്പനിയാണ് ട്രാവൻകൂർ ഷുഗേഴ്സ് ആൻഡ് കെമിക്കൽസ്. ഇവിടെ ബിവറേജസിന് വേണ്ടി മദ്യം ഉല്പാദിപ്പിക്കുന്നുണ്ട്. ഇവിടേക്ക് കൊണ്ടുവന്ന സ്പിരിറ്റിൽ ഒരു വിഭാഗം കടത്തിയിട്ടുണ്ടെന്നുള്ള സംശയത്തെ തുടർന്നാണ് രാവിലെ മുതൽ പരിശോധന ആരംഭിച്ചത്.

രണ്ട് ടാങ്കറുകളാണ് എത്തിയത്. ഈ രണ്ട് ടാങ്കറുകളിൽ നിന്നും പണവും കണ്ടെത്തിയിട്ടുണ്ട്. ടാങ്കറുകളിലെ സ്പിരിറ്റിന്റെ അളവ് പരിശോധിക്കാൻ ലീഗൽ മെട്രോളജി വിഭാഗം ട്രാവൻകൂർ ഷുഗേഴ്സിൽ പരിശോധന നടത്തുകയാണ്.

Story Highlights: Travancore sugars and chemicals Thiruvalla