എസ്.സി, എസ്.ടി ഫണ്ട് തട്ടിപ്പ്; പ്രതി രാഹുൽ അറസ്റ്റിൽ

എസ്.സി, എസ്.ടി ഫണ്ട് തട്ടിപ്പ് കേസിൽ പ്രതിയായ രാഹുലിനെ അറസ്റ്റ് ചെയ്തു. ഹൈക്കോടതി മുൻകൂർ ജാമ്യാപേക്ഷ തള്ളിയതിനാൽ മൂന്നു മാസമായി ഒളിവിലായിരുന്ന ഇയാൾ മ്യൂസിയം പൊലീസ് സ്റ്റേഷനിൽ കീഴടങ്ങുകയായിരുന്നു.

പട്ടിക ജാതി, പട്ടിക വർഗ വിഭാഗക്കാർക്കുളള വിദ്യാഭ്യാസ മുറി, വിവാഹ സഹായം തുടങ്ങിയ ഫണ്ടുകൾ ക്ലർക്കായിരുന്ന രാഹുലിന്റെ നേത്യത്വത്തിൽ തട്ടിയെടുത്തെന്നായിരുന്നു കേസ്. 75 ലക്ഷം രൂപ തട്ടിയെടുത്തതായി പൊലീസ് അന്വേഷണത്തിൽ കണ്ടെത്തിയിരുന്നു. കേസിൽ പ്രതികളായ രണ്ട് എസ്.ടി പ്രമോട്ടർമാർ ഒളിവിലാണ്. ഇവരെ ഉടൻ തന്നെ അറസ്റ്റ് ചെയ്യുമെന്ന് മ്യൂസിയം പൊലീസ് അറിയിച്ചു.

Story Highlights: SC ST fund fraud case