ആർ.എസ്.എസ് പ്രവർത്തകന്റെ കൊലപാതകം; ക്രിമിനൽ സംഘങ്ങളെ സർക്കാർ സംരക്ഷിക്കുന്നു; കെ സുരേന്ദ്രൻ

പാലക്കാട് ആർ.എസ്.എസ് പ്രവർത്തകന്റെ കൊലപാതകത്തിൽ പ്രതികരിച്ച് ബി.ജെ.പി സംസ്ഥാന അധ്യക്ഷൻ കെ സുരേന്ദ്രൻ. എസ്.ഡി.പി.ഐ ക്രിമിനൽ സംഘങ്ങളെ സർക്കാരും സിപിഐഎമ്മും സംരക്ഷിക്കുകയാണെന്ന് സുരേന്ദ്രൻ ആരോപിച്ചു

പൊലീസ് കൂടി ചേർന്നാണ് ഇവർക്ക് സംരക്ഷണം നൽകുന്നത്. 10 ദിവസത്തിനുള്ളിൽ 2 ആർ.എസ്.എസ് പ്രവർത്തകരാണ് സംസ്ഥാനത്ത് കൊല്ലപ്പെട്ടത്. യാതൊരു പ്രകോപനമില്ലാത്ത സ്ഥലങ്ങളിൽ ആസൂത്രിതമായാണ് കൊലപാതകങ്ങൾ നടക്കുന്നതെന്നും സുരേന്ദ്രൻ പറഞ്ഞു.

തദ്ദേശ സ്വയംഭരണ സ്ഥാപനങ്ങളിൽ ഭരണം പങ്കിടുന്നവരാണ് സി.പി.ഐ.എമ്മും എസ്.ഡി.പി.ഐയും. കൊലപാതകങ്ങളിൽ എസ്.ഡി.പി.ഐയുടെ പേര് പറയാൻ പൊലീസ് മടിക്കുന്നു. അതേ നാണയത്തിൽ മറുപടി നൽകാൻ ജനകീയ പ്രക്ഷോഭങ്ങൾ സംഘടിപ്പിക്കുമെന്നും കെ സുരേന്ദ്രൻ വ്യക്തമാക്കി.