7000 സ്‌ക്വ.ഫീറ്റ്; പ്രതിമാസം 8 ലക്ഷം രൂപ വാടക; കത്രീന-വിക്കി കൗശൽ താമസിക്കുന്നത് അത്യാഡംബര ഫ്‌ളാറ്റിൽ; ചിത്രങ്ങൾ

ബോളിവുഡ് താരം കത്രീന കൈഫും, നടൻ വിക്കി കൗശലും തമ്മിലുള്ള വിവാഹവും വിവാഹ ചിത്രങ്ങളുമാണ് സോഷ്യൽ മീഡിയയിൽ കഴിഞ്ഞ ദിവസം വരെ നിറഞ്ഞ് നിന്നതെങ്കിൽ, വിവാഹ ശേഷം ഇരുവരും താമസിക്കാൻ പോകുന്ന ഫ്‌ളാറ്റാണ് ഇന്നത്തെ വാർത്താ താരം. ( katrina vicky kaushal apartment pics )

മുംബൈ ജൂഹുവിലെ രാജ്മഹൽ കെട്ടിടത്തിലെ എട്ടാം നിലയിലാണ് വിക്കി-കാറ്റ് ദമ്പതികളുടെ വീട്. 1.75 കോടി രൂപ അഡ്വാൻസ് നൽകിയെടുത്ത ഈ വീട് ജൂഹു ബീച്ചിന് അഭിമുഖമായാണ് പണികഴിപ്പിച്ചിരിക്കുന്നത്.

നാല് ബെഡ്രൂമുള്ള ഫ്‌ളാറ്റിൽ വിശാലമായ ലിവിംഗ് റൂം, പ്രത്യേക ഡൈനിംഗ് ഏരിയ, പൂജാ മുറി, ആറ് ബാത്രൂമുകൾ, രണ്ട് സർവന്റ് റൂമുകൾ എന്നിവ ഉൾപ്പെടുന്നു. അതിവിശാലമായ ബാൽക്കണിയും ഫ്‌ളാറ്റിന്റെ പ്രത്യേകതകളിലൊന്നാണ്.

Read Also : കത്രീന കൈഫും വിക്കി കൗശലും വിവാഹിതരാകുന്നുവെന്ന് റിപ്പോർട്ട്

37 നിലകളുള്ള ഈ അപാർട്ട്‌മെന്റിൽ ഓരോ നിലയിലും ഒരു ഫ്‌ളാറ്റ് മാത്രമാണ് ഉള്ളത്. ജൂഹൂ ബീച്ചിലേക്കുള്ള പ്രൈവറ്റ് ആക്‌സസ്, അതിനൂതന സാങ്കേതിക വിദ്യയുടെ സഹായത്തോടെ പ്രവർത്തിക്കുന്ന ജിം, കുട്ടികൾക്കുള്ള കളി സ്ഥലം എന്നിവയും ഒരുക്കിയിട്ടുണ്ട്.

വിരാട് കോലി- അനുഷ്‌ക ശർമ ദമ്പതികളുടെ ഫ്‌ളാറ്റും ഇതേ കെട്ടിടത്തിൽ തന്നെയാണ്.

Story Highlights : katrina vicky kaushal apartment pics