പ്രവാസി ക്ഷേമനിധി; പുതുക്കിയ പെൻഷൻ ഏപ്രിൽ മുതൽ

പ്രവാസി ക്ഷേമ നിധിയിലെ വർധിപ്പിച്ച പെൻഷൻ ഏ​പ്രിൽ മുതൽ നൽകി തുടങ്ങുമെന്ന്​ കേരള പ്രവാസി ക്ഷേമനിധി ബോർഡ്​ ഡയറക്ടർ പി.എം. ജാബിർ അറിയിച്ചു. തിരിച്ചെത്തിയ പ്രവാസി കാറ്റഗറിയിലുള്ളവർക്ക്​ മൂവായിരവും നിലവിൽ പ്രവാസികൾ ആയിരിക്കുന്ന കാറ്റഗറിയൽപെട്ടവർക്ക്​ 3,500 രൂപയുമാണ്​ പെൻഷൻ. മുമ്പ്​ ഇത്​ എല്ലാവർക്കും 2000 ആയിരുന്നു.

ക്ഷേമ നിധി പെൻഷൻ 3000വും 3500ഉം ആക്കുമെന്ന്​ സർക്കാർ പ്രഖ്യാപിച്ചിട്ട്​ മാസങ്ങൾ കഴിഞ്ഞിരുന്നു.
എന്നാൽ, ഇതിന്‍റെ വിജ്ഞാപനം കഴിഞ്ഞ ദിവസമാണ്​ ​ വന്നത്​. സോഫ്​റ്റ്​ വെയർ അപ്​ഡേഷൻ നടപടികൾ പുരോഗമിക്കുകയാണ്​. ഇത്​ പൂർത്തിയാകുന്നതോടെ അടുത്തമാസം മുതൽ പുതുക്കിയ പെൻഷൻ വിതരണം ചെയ്യും.

Read Also : യു.എ.ഇയിൽ അഡ്​നോക്​ ​പ്രോ ലീഗ് മത്സരത്തിനിടെ അടിപിടി; മൂന്ന്​ താരങ്ങൾക്ക് സസ്​പെൻഷനും പിഴയും

നിലവിൽ 22,000ൽ അധികം ആളുകളാണ്​ പെൻഷൻ കൈപറ്റുന്നത്​. ഏഴ്​ ലക്ഷത്തോളം പേരാണ്​​ പദ്ധതിയിൽ ചേർന്നിട്ടുള്ളത്​​.

Story Highlights: Expatriate Welfare Fund pension from April