തെരഞ്ഞെടുപ്പ് ചട്ട ലംഘനം; ഇമ്രാൻ ഖാന് 50,000 രൂപ പിഴ

തെരഞ്ഞെടുപ്പ് പെരുമാറ്റ ചട്ടം ലംഘിച്ചതിന് പാകിസ്താൻ ​പ്രധാനമന്ത്രി ഇമ്രാൻ ഖാന് 50,000 രൂപ പിഴയിട്ട് പാക് തെരഞ്ഞെടുപ്പ് കമ്മിഷൻ. ഖൈബർ പഖ്തൂൻഖ്വയിൽ പ്രാദേശിക തെരഞ്ഞെടുപ്പ് നടക്കുന്നതിനു മുന്നോടിയായാണ്  ഇമ്രാൻ റാലിയെ അഭിസംബോധന ചെയ്തത്. ഇമ്രാൻ സ്വാത് സന്ദർശിക്കുന്നത് മാർച്ച് 15ന് തെരഞ്ഞെടുപ്പ് കമ്മിഷൻ വിലക്കിയിരുന്നു.

എന്നാൽ നി​ർദേശം മറികടന്ന് പ്രധാനമന്ത്രി സ്വാതിലെത്തി റാലിയെ അഭിസംബോധന ചെയ്യുകയായിരുന്നുവെന്നാണ് റിപ്പോർട്ട് . തെരഞ്ഞെടുപ്പ് നടക്കുമ്പോൾ ഭരണകർത്താക്കൾ അവിടം സന്ദർശിക്കരുതെന്നാണ് പുതിയ തെരഞ്ഞെടുപ്പ് പെരുമാറ്റ ചട്ടം.

Read Also : പാക് പ്രധാനമന്ത്രിയുടെ രാജി ആവശ്യപ്പെട്ട് സൈനിക മേധാവി

ഖൈബർ പഖ്തൂൻഖ്വയിൽ രണ്ടാംഘട്ട പ്രാദേശിക തെരഞ്ഞെടുപ്പ് മാർച്ച് 31നാണ് നടക്കുന്നത്. ചട്ടം ലംഘിച്ചതിന് ഇമ്രാനെതിരെ തെരഞ്ഞെടുപ്പ് കമ്മിഷൻ രണ്ടുതവണ നോട്ടിസ് നൽകിയിരുന്നു.

Story Highlights: Pakistan PM Imran Khan fined Rs 50,000 for violating election code