‘കെ വി തോമസ് കോൺഗ്രസിന് ദോഷകരമായ ഒരു കാര്യവും ചെയ്യില്ല’; സിപിഐഎമ്മുമായി കൈകൊടുക്കാനില്ലെന്ന് വി ഡി സതീശൻ

കെ വി തോമസ് കോൺഗ്രസിന് ദോഷകരമായ ഒരു കാര്യവും ചെയ്യില്ല. സിപിഐഎമ്മുമായി കൈകൊടുക്കാനില്ല, സിപിഐഎം പാർട്ടി കോൺഗ്രസിൽ അദ്ദേഹം പങ്കെടുക്കില്ലെന്നാണ് പ്രതീക്ഷിക്കുന്നതെന്ന് പ്രതിപക്ഷനേതാവ് വി ഡി സതീശൻ. കെ വി തോമസ് എന്റെ ഗുരുനാഥൻ കൂടിയാണ്, അദ്ദേഹം പാർട്ടി അച്ചടക്കത്തിന്റെ ഫ്രെയ്‌മിൽ നിൽക്കുന്നയാളാണ്.(vdsatheeshan about kvthomas cpim party congress)

കേരളത്തിലെ പാർട്ടിയോ, ദേശീയ തലങ്ങളിലെ പാർട്ടിയോ ഒരു തീരുമാനമെടുത്താൽ അദ്ദേഹം അതിൽ ഉറച്ച് നിൽക്കും. അദ്ദേഹം കോൺഗ്രസിന് ദോഷകരമായ ഒരു കാര്യവും ചെയ്യില്ല. അദ്ദേഹം ഏത് സ്ഥാനത്തേക്കും വരാൻ അർഹനായ ഒരാളാണ്. ഏത് ഉത്തരവാദിത്തം കൊടുത്താലും അദ്ദേഹം അത് ഭംഗിയായി ചെയ്യുമെന്ന് പ്രതിപക്ഷനേതാവ് വി ഡി സതീശൻ വ്യക്തമാക്കി.

Read Also : പാകിസ്താന് ലോകകപ്പ് നേടിക്കൊടുത്ത ഓൾ റൗണ്ടറിൽ നിന്ന് പ്രാധനമന്ത്രി പദത്തിലേക്ക്; ഇമ്രാൻ ഖാന്റെ പദയാത്ര

മുഖ്യമന്ത്രി പിണറായി വിജയൻ കോൺഗ്രസിനെ വികസനം പഠിപ്പിക്കണ്ട, സിൽവർ ലൈനിന്റെ പിറകെ പോകാതെ ഭരിക്കാൻ മുഖ്യമന്ത്രി സമയം കണ്ടെത്തണമെന്നും സതീശൻ പറഞ്ഞു. കേരളത്തിലെ എല്ലാ പദ്ധതികൾക്കും എതിരായി നിലപാട് എടുത്ത ആളാണ് പിണറായി വിജയൻ. അദ്ദേഹം കോൺഗ്രസിനെ വികസനം പഠിപ്പിക്കേണ്ട. ശമ്പളം കൊടുക്കാൻ പണമില്ലാതെ കടം വാങ്ങുകയാണ് സംസ്ഥാനം.

നിത്യ ചെലവിന് പണമില്ലാത്ത അവസ്ഥയിലാണ് കെ-റെയിൽ കൊണ്ട് വരുന്നത്. സംഘ പരിവാറുമായി ഇടനിലക്കാരെ വച്ച് ചർച്ച ചെയ്യുകയാണ്. വലിയ കൊടുക്കൽ വാങ്ങൽ ബി.ജെ.പിയുമായുണ്ടെന്നും വി ഡി സതീശൻ വ്യക്തമാക്കി.

Story Highlights: vdsatheeshan about kvthomas cpim party congress