34 വര്‍ഷമായി മുടങ്ങാതെ റമദാന്‍ വ്രതവും ഇഫ്താര്‍ വിരുന്നും; ഇത് മതസൗഹാര്‍ദത്തിന്റെ പ്രതീകം
മഗ്‌രിബ് ബാങ്ക് വിളികള്‍ പള്ളികളില്‍ നിന്ന് ഉയരുമ്പോള്‍ പ്രഭാകരന്റെ കോട്ടീരി പൊന്നാത്ത് വീട്ടില്‍ ഒരേ സമയം നിലവിളക്ക് തെളിയും. റമദാന്‍ വ്രതാനുഷ്ഠാനത്തിന്റെ ആത്മനിര്‍വൃതി അനുഭവിക്കുന്നവര്‍ക്ക് നമസ്‌കരിക്കുന്ന വേദിയുമായി മാറും. പ്രഭാകരന്റെ കഥ ആത്മീയതയുടെയും ഭക്തിയുടെയും മാത്രമല്ല, സ്‌നേഹത്തിന്റെയും മതസൗഹാര്‍ദത്തിന്റെയും കൂടിയാണ്.
1988ലാണ് സുഹൃത്തിന്റെ പ്രേരണയില്‍ വെസ്റ്റേണ്‍ പ്രഭാകരന്‍ റമദാന്‍ വ്രതമെടുത്ത് തുടങ്ങിയത്. കഴിഞ്ഞ 34 വര്‍ഷമായി ആ ശീലം മുടങ്ങിയിട്ടില്ല. വ്യവസായിയും ജീവകാരുണ്യ പ്രവര്‍ത്തകനുമാണ് വളാഞ്ചേരി സ്വദേശി പ്രഭാകരന്‍.
തുടക്കത്തില്‍ സുഹൃത്തുക്കള്‍ക്കൊപ്പം ചേര്‍ന്ന് പത്ത് ദിവസത്തെ വ്രതമെടുക്കാം എന്ന് കരുതി തുടങ്ങിയത് ഇപ്പോള്‍ 34ാം വര്‍ഷത്തില്‍ എത്തിനില്‍ക്കുകയാണ്. പ്രഭാകരന്റെ വീട്ടില്‍ കഴിഞ്ഞ ദിവസം നടത്തിയ ഇഫ്ത്താര്‍ സ്‌നേഹസംഗമത്തില്‍ പാണക്കാട് മുനവ്വറലി ശിഹാബ് തങ്ങള്‍ ഉള്‍പ്പടെയുള്ളവര്‍ പങ്കെടുത്തു. സഹോദര മതസ്ഥരുടെ വിശ്വാസത്തില്‍ പങ്കുചേരുന്നതിനൊപ്പം വ്രതാനുഷ്ഠനത്തിലൂടെ മനസിനും ശരീരത്തിനും ഉണര്‍വ് ലഭിക്കുന്നുവെന്നും പ്രഭാകരന്‍ പറയുന്നു.
Story Highlights: Ramadan fasting for 34 years prabhakharan life
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
