ഇസ്ലാമിക നിയമങ്ങൾ നടപ്പാക്കുമെന്ന് അഫ്ഗാൻ പരമോന്നത നേതാവ്

അഫ്ഗാനിസ്ഥനിൽ നീതി ഉറപ്പാക്കാനും, സ്വാതന്ത്ര്യം സംരക്ഷിക്കാനും ഇസ്ലാമിക നിയമങ്ങൾ നടപ്പിലാക്കുമെന്ന് താലിബാൻ പരമോന്നത നേതാവ്. രാജ്യത്ത് നിന്നും അധിനിവേശ ശക്തികളെ പുറത്താക്കി. ഇസ്ലാമിക നിയമങ്ങൾ നടപ്പിലാക്കുക മതപണ്ഡിതരുടെ ഉത്തരവാദിത്തമാണെന്നും മുല്ല ഹിബത്തുള്ള അഖുന്ദ്‌സാദ പറഞ്ഞു. രാജ്യത്തെ മതനേതാക്കളുടെയും മുതിർന്നവരുടെയും സമ്മേളനത്തെ അഭിസംബോധന ചെയ്തു സംസാരിക്കുകയായിരുന്നു അദ്ദേഹം.

നീതിയുടെ അഭാവത്തിൽ ഒരു സർക്കാരിനും അതിജീവിക്കാൻ കഴിയില്ല, നീതിയാണ് സർക്കാരിന്റെ ആയുധം. അയൽ രാജ്യങ്ങൾക്ക് ഞങ്ങളിൽ നിന്ന് ഒരു ദോഷവും ഉണ്ടാകില്ല. അഫ്ഗാന് ആരോടും ദുരുദ്ദേശമില്ലെന്നും അദ്ദേഹം വ്യക്തമാക്കി. രാജ്യത്ത് നിക്ഷേപം നടത്താൻ വ്യവസായികളോട് ഹിബത്തുള്ള ആഹ്വാനം ചെയ്തു. മൂന്ന് ദിവസത്തെ മഹാസമ്മേളനത്തിൽ പങ്കെടുക്കാൻ രാജ്യത്തെമ്പാടുനിന്നും ഏകദേശം 3,500 മതപണ്ഡിതന്മാരെയും മുതിർന്നവരെയും ക്ഷണിച്ചിട്ടുണ്ട്.

മൂന്ന് ദിവസത്തെ സംഗമം ശനിയാഴ്ച സമാപിക്കും. രാജ്യത്ത് താലിബാൻ പുനഃസ്ഥാപിക്കപ്പെട്ട് പതിനൊന്ന് മാസങ്ങൾക്ക് ശേഷം, ഇസ്‌ലാമിക പുരോഹിതരുടെ രാജ്യവ്യാപകമായ ആദ്യ സമ്മേളനമാണിത്. സംഭവം റിപ്പോർട്ട് ചെയ്യാൻ മാധ്യമങ്ങളെ അനുവദിച്ചിട്ടില്ല, എന്നാൽ പെൺകുട്ടികളുടെ വിദ്യാഭ്യാസം ഉൾപ്പെടെ നിരവധി വിഷയങ്ങൾ നിയമസഭയിൽ ചർച്ച ചെയ്യപ്പെടുമെന്ന് വൃത്തങ്ങൾ അറിയിച്ചു.

Story Highlights: Afghan supreme leader calls for implementing Islamic laws