ആരുടെയും സഹായം വേണ്ട; കൂളറിൽ നിന്ന് ഒറ്റയ്ക്ക് വെള്ളം കുടിച്ച് പൂച്ച

സോഷ്യൽ മീഡിയ ഓരോ ദിവസവും നമ്മെ അമ്പരിപ്പിച്ചുകൊണ്ടിരിക്കുകയാണ്. വരുന്ന വിഡിയോകൾക്ക് കൈയും കണക്കുമില്ല…ചിരിപ്പിക്കുന്നതിന് പരിധിയുമില്ല. അത്തരമൊരു വിഡിയോയാണ് ഇപ്പോൾ നവമാധ്യമങ്ങളിൽ വ്യാപകമായി പ്രചരിക്കുന്നത്.

വാട്ടർ കൂളറിൽ നിന്ന് വെള്ളമെടുക്കാൻ കഷ്ടപ്പെടുന്ന പൂച്ചയുടെ വിഡിയോയാണ് കാണികളിൽ ചിരി പടർത്തിയിരിക്കുന്നത്. ഇതിനോടകം 7.9 മില്യൺ പേരാണ് വിഡിയോ കണ്ടിരിക്കുന്നത്. ട്വിറ്ററിൽ 2.6 ലക്ഷം ലൈക്കുകളും 38,000 റീട്വീറ്റുകളുമുണ്ട്.