ഓണക്കിറ്റ് വിതരണം: തിരക്ക് ഒഴിവാക്കാന് പ്രത്യേക ക്രമീകരണം നടപ്പാക്കുമെന്ന് മന്ത്രി
സംസ്ഥാനത്തെ മുഴുവൻ റേഷന് കാര്ഡ് ഉടമകള്ക്കും ഓണക്കിറ്റ് ലഭിച്ചെന്ന് ഉറപ്പുവരുത്തുമെന്നും റേഷന് കടകളിലെ തിരക്ക് ഒഴിവാക്കാന് പ്രത്യേക ക്രമീകരണം ഏര്പ്പെടുത്തുമെന്നും ഭക്ഷ്യ മന്ത്രി ജി.ആര് അനില്. ഇതുവരെ ഏഴു ലക്ഷം കാര്ഡ് ഉടമകള്ക്ക് ഓണക്കിറ്റ് വിതരണം ചെയ്തു. വിവിധ വിഭാഗങ്ങളിലുള്ള കാര്ഡ് ഉടമകള്ക്ക് ഓണക്കിറ്റ് വാങ്ങാന് പ്രത്യേക ദിവസങ്ങള് നിശ്ചയിച്ചത് തിരക്കൊഴിവാക്കാനാണെന്നും മന്ത്രി പറഞ്ഞു.
അസൗകര്യം മൂലം വാങ്ങാന് കഴിയാത്തവര്ക്ക് മറ്റു ദിവസങ്ങളില് അതിനുള്ള സൗകര്യം ഉണ്ടായിരിക്കും. ആളുകള് കൂട്ടത്തോടെ എത്തിയാല് റേഷന് കടകളിലെ ഇ-പോസ് യന്ത്രത്തിന്റെ പ്രവര്ത്തനത്തെ ബാധിക്കാൻ സാധ്യതയുണ്ട്. ഇതൊഴിവാക്കാന് പ്രത്യേക സംവിധാനം ഏർപ്പെടുത്തുമെന്നും മന്ത്രി പറഞ്ഞു. തിരുവനന്തപുരം ജില്ലയിലെ ഹരിത കര്മ സേനാ സംഗമത്തിന്റെ ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം.
Story Highlights: Onkit distribution: Minister says special arrangements will be made to avoid congestion
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here